好開心呀..今日約咗人出泥打波..

雖然係4點幾..不過好過冇呀

出咗門口先知自己唔記得咗拎返遮走..重死了

一去到就見到佢..之後去咗彩雲打..其實都係臨時改咗地方

原來佢之前住係個道..唔怪得知咁熟路啦

去到既感覺係好正..因為唔洗淋雨=]]

一去到射key..之後見到有其他人落場..加埋有9個人..結果就猜3組

我地個組既成員有︰呀Don、我同埋一個唔識既

一開始我地唔洗打住..見仲有時間我就係道kai咗咁跑圈..結果仲俾人話︰小心冇氣呀！[笑]

玩完野就咁啱要落場打..結果我地係咁打落去..打到夠鐘走人

唔知做咩..覺得呢次打波超正..

我係中距離起手超掂[由其後期個陣]..呀Don係殺入去個d..仲要係偷波好勁..連格離隊d人都係咁話[不過佢今日手風唔順]..而另外一個男仔就走位ok..不過佢好似冇信心起手..但係攞籃板超讚！

好耐都未試過打到咁正喇..今日真係令人難忘！

感謝主！！