今日上到第3堂個陣
唔係幾舒服
同People Yuen一齊落左108室
People Yuen發燒wor
38.2度
佢成面紅晒
叫家長黎接佢走

108個個人本身唔比我走
之後阿祖黎左話比我走我先走到炸
我真係肚痛嫁
個個人又唔肯信
冇幾耐People Yuen個阿爸黎接走左佢
我就等左好耐...
個個人叫我比本手冊佢
我咪比囉
(我本手冊成本都係千嬅同側田d相)
景然比佢話囉....
唉..........
自己攞黎嫁

我阿媽黎左啦
我地走左海皇食野
食小小冇乜胃口
之後就返沙頭角
我去左睇e生

好難頂
好苦
但係苦口良藥
先食左一日藥炸...
點頂呀?!
好想快d返
唔想再食啦

今日好正常咁上堂落堂...
冇咩唔同

放學個陣,
肥亨同我地5個女仔一齊踏巴士
不過佢係孔嶺到落車
本身我係同嘉穎坐既
不過比嘉穎推走左,
要我同肥亨坐
我死都唔肯...........
但係佢係要推我wor
唔夠佢大力既人係冇辨法被開佢嫁
唉.............
結果都係要同肥亨坐
(講真呀,我踏車個陣唔係好鍾意同d男仔坐)
好快肥亨就落車啦
嘉穎又叫返我陪佢坐
哈....
我一定唔會坐返過去
因為我覺得好似冇啦啦打左人一拳又要比返d湯藥費比人咁
最後都係冇坐到過到

今日....
又係我地個幾個女仔去左旺角行街
係旺中行左一陣
陪嘉穎買左個同我一樣不過係打橫既袋
唔應該....跟我既

之後冇幾耐
我地就去左影相
呵呵~~
我地影左2部機
畫野個陣....
我地勁白痴
狂寫:俊...雄...Fish...亨...誠誠...藍天...I love you...(個d啦,都唔係寫自己名既)

d相ok啦...
我地係到剪個陣
又係笑人地寫左d咩白痴野
好開心

7點幾
我地返屋企啦
踏火車....
蕊蕊唔舒適係到嘔...
我地就係下個站落車
比蕊蕊ok下...
我地咁岩落中左大埔上一個站...
之後,
我同嘉穎係到問阿蕊仲有冇得嘔多次
比嘉穎係大埔到落
睇下見唔見誠誠!!!!

返到粉嶺
我地去左等巴士
條隊好長

我同嘉穎上左去買薯條
當我地差唔多買完落去
佢地3個唔等我地就踏車走左
又係咁..............

我地咪自己返去囉
到左屋企好似係8點半左右啦