由於琴日去左伯娘度過夜，所以有寫到日記∼今日補番
琴日：我今日好唔開心呀。。今日出左去荃灣，一黎整回鄉証，２黎約左婆婆同伯娘飲茶，
我仲傷心到喊呀∼我個心係果時好痛呀ＴＴ。。
因為我呀媽話我學壞左，唔執野呀∼話我淨係識洗錢，唔幫佢做野∼由佢話我一開始就知佢已經唔錫我啦∼
我果時一路行一路喊，一路喊就一路諗以前呀媽對我有幾好，睇住佢拖住我呀妹果時，我就更加喊得西利，
我又特登行慢Ｄ，睇下佢地發覺唔見左我會點。。我就係咁喊，喊到見到伯娘果陣，我就衝左去我伯娘度
「籃」住佢大喊一場（因為我伯娘好錫我嫁，當我係女咁嫁）。跟住飲完茶，我呀媽就話番屋企，我就話
我去伯娘度過夜，跟住我到左伯娘屋企啦，到左食飯既時候．堂呀哥去左街，第２個呀哥就番工，所以食
飯既時候，就剩低我、伯娘、伯父一齊食飯。雖然人小，但係果時好ｗａｒｍ∼我好想以後都會係果度住呀∼
今日：今日一早伯娘就約左呀媽去深圳，今日同呀媽既關係好左小小啦，不過我今日收獲就多囉ｗａｋａｋａ∼
買左１件由＄６０講到＄３５既溥背心，一件由＄９０講到＄３０既衫，一條由＄７０講到＄３０既牛仔褲
仲有我最鐘意既由＄４０講到＄３０既厚背心∼你話係咪好豐富呢∼ |
