都唔知點解我今日咁苦既,上中文堂都算幾好啦,

但係小息之後既英文就超慘,

唔係話我鐘唔鐘意英文啊,而係真係好無聊,

ms講到好悶,真係衰出去聽既講座!

搞到我訓又唔係,唔訓又唔係!=.="

lunch之後果三堂仲抵死,

地理,對住果個姣Kan,真係激到我死啊!

聖經,果個ms李,我又好唔like佢,

睇碟咪睇囉,我唔哂你解釋俾我聽嫁,

又成日cut喎,激死人啦!

跟住放學之後,得我同阿玲去油塘睇展覽,

青婷同阿珍就返屋企,我都好想返屋企啊!

不過今次既展覽都幾好睇!

無奈既係,得我自己一個行去地鐵站返屋企!好慘啊!

跟住我就去左街市度買冰糖葫蘆!5...好味啊!

    刊登時間︰2006-09-25 05:58 PM    [ 訪客留言(0) ] [ 編輯日誌 ] [ 分享至FACEBOOK ]         

今日晨早就俾阿媽鬧阿爸d聲嘈醒左!

阿哥又出左去,所以我就可以玩電腦啦!

玩完之後,就出去太子囉野俾家姐,

同去囉鞋,今次對鞋總算ok既,希望唔會咁快爛!

唉!英文作文仲未作啊!都唔係好識!

我依家轉左PEOPLE啦!

青婷買左部電話啦,真係恭喜哂!

我諗阿珍買電話都應該好順利啦,

我打俾佢屋企,細佬話佢出左去!

    刊登時間︰2006-09-24 04:47 PM    [ 訪客留言(0) ] [ 編輯日誌 ] [ 分享至FACEBOOK ]         

因為今日下午要返學校幫手,所以就諗住訂場打波,

打完就返學校,但今朝打電話去問下,

佢話無場,可能係因為星期六啦,d人仲得閒,所以去訂場!

唉!搞到我又好鬼無奈!鳴鳴...我好想去打波啊!

因為無波打,加上阿珍又有錢,所以就叫埋青婷同阿玲去食lunch!

哇嘻嘻嘻,呢個世上係家唔興用硬嫁啦,要用軟!同埋有錢駛得鬼推磨!

食完之後,我地四條友就行上學校!

上左禮堂之後就開始我地既工作啦,

我同阿珍就量野,阿玲就點名,青婷就擺野!

約半個鐘後,就開始啦,今次都有幾多人參加,

連我地班都有一個人參加添!其實我覺得就唔係幾好玩!

跟住我地仲幫手抬d桌落去,都幾重嫁!

仲搬埋登,哈哈!

突然間俾我發現左一個排球,真係好開心啊!

訂唔到場打羽毛球,依家俾個天大既機會我打排球,

哈哈哈!硬係拉埋佢地三個去打啦!

打果陣真係俾人地笑死,係咁係度踢波!

大約五點鐘出d,真係打到好累,同成身汗,

所以我地就走啦!跟住就去APM陪阿珍睇電話,

我祝佢聽日順利買到電話!

    刊登時間︰2006-09-24 11:04 AM    [ 訪客留言(0) ] [ 編輯日誌 ] [ 分享至FACEBOOK ]         

今日放學果陣,本來諗住去打波嫁,

但去到已經無場,唉!雖然我地都估到,

但都係幾失望!如果下次去既話,

真係要LUNCH去租場!

因為無場,所以我地四個就去食麥記啦,

今次我同青婷都俾阿玲噴到啊!

今日大家都俾阿玲笑個樣笑死啊!

哈哈哈哈哈哈......

真係好飽啊!本來阿哥話要出去食飯嫁,

但佢d同事係我屋企樓下間酒樓食飯,

阿哥話廢事見到佢d同事唔好意思,

加上又買左送果d,所以下次先去,

下過對我黎講未嘗唔係好事,

因為我今日真係好飽,

唔去,咁我咪唔會食得仲飽囉!呵!

    刊登時間︰2006-09-23 08:20 AM    [ 訪客留言(1) ] [ 編輯日誌 ] [ 分享至FACEBOOK ]         

要聽日交既功課真係多得很啊,

有視藝,就係最麻煩,要做最多野嫁啦,

英文生字,好彩我既學校已經做完姐,

英文ERS又要俾ms睇,=.="

通識做剪報,200字既感想,

數學琴日俾左數A家課,所以我琴日做左,

今日又有堂課同測卷改正!

好彩中文,化學都無功課咋,唔係就真係做死人啊!

唉!算啦,今晚遲d訓囉!

不過,我今日已經好眼訓啦,

聽日唔哂上堂都得啦,

好彩返埋聽日,後日唔哂返姐!哈哈哈!

    刊登時間︰2006-09-21 05:05 PM    [ 訪客留言(0) ] [ 編輯日誌 ] [ 分享至FACEBOOK ]