呢排洗費真大,係咁慶祝生日...= =|||

今次唱K+韓燒,雖然有細家姐請唱K,但韓燒都已經令我荷包滿左半日又乾番...

講好左12:30係旺角C出口等,我竟然遲左15分鐘先到,真樣衰(但冇馬嬲咁樣衰,行極都搵唔到我地,好一個路痴~/澤就遲左成2個鐘...又話自然會醒~)

細家姐竟然酒醉未醒,塊面紅晒咁係道等,辛苦啦

上K房,馬嬲同澤已經搶咪(大佬我地有成7個hour被你唱,唔需要爭喎~)

得幾首9只嘅歌,唔多happy,是但...反正我係音痴,最多唱幾句(但冇諗到我竟然會帶頭一齊跳9只d舞-.-|||)

唱唱下,悶到玩起骰中(救命,真係好悶,死馬嬲扮GD狂唱,嘈死人)

去到一半,傳說中嘅口水佬顯哥終於到埸,一黎就拎咪唱忙內果part...

本身以為自己已經5音不全,原來有人比我重強,假音可怕到想死= =

到6~7點左右,neway送嘅蛋糕終於到啦~!

大家,個蛋糕雖然係送嘅,但都唔係拎黎玩呀...

整到eric成面都係,元老唯都被你地玩埋一份,過份左d喎~(成班女仔嚇到兇左門口唔敢入黎...)

食完再玩下唱下,終於到8點,閃人去韓燒lu~

本身book銀城果間人地走唔切,要去遠d嘅,行完先發覺被人玩,行左一大個圈,番番朗豪坊附近

上到去都未坐好,成班男仔餓鬼咁衝出去拎野食,唔好嚇親其他客人呀大佬...

食到7788,開始吹起水黎,吹到玩一過口食雪糕

細家姐拎左一大個雪糕球番黎,係我地鼓勵之下,eric真係一口咬落個雪糕道~!(咀角流番晒出黎)

埸面一片混亂,我就笑到後腦撞落椅背(痛死T.T)

吹下吹下又話fanco冇一刻會放低訓iphone(馬嬲你真係好留意人,鐘意人地就出聲啦...)

澤又係...顯哥唔係道就穩裡雞作反,係咁話顯d衰野出黎...唉~朋友喎~!

終於我地出錢訂嘅蛋糕出黎啦~(d味道都好過neway被嘅好多~)

細佬yin,家姐祝你可以早日成為配得起小太陽嘅男人~!

食埋蛋糕,成班白痴真係吹到成點半先走...

落到街,冇咩人,問個食蕉幫手影張相,咁都唔肯?!!(算,咁多唱K d相,果一張半張冇所謂...)

又飛亡命小巴番去,一路上suki,cling,馬嬲同唯哥都好安靜,我都攰,聽下歌算...

到置樂一刻你先黎落大雨,你玩我呀??唯有拎件外套出黎擋一擋,冇命咁跑番屋企...

大家都係sone,識左得果2~3個月,就已經認親認戚...

第一次寫日誌就寫細佬yin你個生日,我呢個細家姐都算唔話得^^

希望716,你地班"親戚"都會幫我慶祝~!

我等你地通知呀~!