咁又去down左黎睇啦，
除最後兩話之外都睇過scanlation版嘞，
始終係漫畫畫得到肉啲…
———Spoilers Warning———
一直以黎由奈奈寫信比娜娜呢個方式所寫o既retrospective敘述，
同埋今期卷末又出現o既「故事將來」o既插敘，
簡直勁fascinating囉，令讀者好奇究竟將來會發生咩事，
時間，應該係六年後，因為奈奈個女，Satsuki/皐，已經六歲，

而由字裡行間所得，娜娜應該已經失去行蹤——先排除奈奈所講o既係「死亡」o既借代，
事緣或者同蓮有關，我懷疑過唔通蓮真係死左？(有蓮吸毒o既foreshadowing)
但睇返卷十二首插敘果part，伸夫問「蓮呢？今天不來嗎？」所以被排除，

咁剩低o既，我估係而家主線劇情醞釀緊o既「娜娜身世」之謎，
娜娜細個時被母親拋棄，由外婆一手養大，
佢o既失蹤，估計將會同同佢阿媽重逢有關，
即係果間什綿燒餅店個老闆娘，

佢個女美里，同娜娜好似樣，同時係娜娜個fan，作者意思應該同娜娜係姊妹？

而同時Black Stones經紀人美里，亦都同事件有關(被問及名字時有隱暪)，

普通啲黎估，當初娜娜被拋棄受o既傷口，被八卦雜誌挖出，繼而令娜娜遠走，
再激啲o既鋪陳嘛……我諗矢沢愛一定會比到驚喜我哋，
嗱咁娜娜現狀成謎，由此延伸，我諗作者係suggest緊Black Stones已經唔存在嘞，
refer返卷十二首o既插敘，係故事主線六年後o既煙火大會，
泰同真一都作浴衣打扮，唔使「喬裝」，都係證據。
另外講返卷十五o既插敘，亦得知奈奈同Takumi應該已經離異，
第一係Satsuki話Takumi喺屋企係一個「很驚人很開心的消息」，

第二係Takumi如果係喺度住又點會西裝打扮？

同樣我亦懷疑Trapnest都不復在嘞，
因為Takumi剪短頭髮，打扮唔同哂…唔知啦，
就此打住，下一卷應該係角色外傳篇，
個個都係咁o既，喺劇情緊繃之時係要黎一兩本外傳拖下先，
希望作者會喺果個六年後o既時間點繼續發展個故事，
而唔係畫到話左比讀者知娜娜發生咩事後，
再refer下六年後o既時間點，各人o既出路，跟住就The End…
但不幸地我相信會係咁落去。

插句話︰有冇留意NANA單行本封面一直都係以敘事方式進行，
內容全部都係奈奈同娜娜o既生活片段，行街呀睇戲咁，
雖然着o既衫會有變化，
但作者應該只係suggest緊拼湊成o既一日奈奈同娜娜，
可能永遠都唔會再archieve唔到o既普普通通去行街睇戲，
卷十五係奈奈已經返到屋企嘞，係主線劇情奈奈入籍o既象徵，
我估以後會係娜娜歸途中，或者落雪之類，
令佢駐足，總之娜娜應該唔會有返到屋企o既畫面啦，
可能會有兩三期，到此敘事式封面就完，
到到最後一期，會唔一樣，或者有其他角色出現喺封面咁…
所以我估，應該唔會超過三四部之外NANA就會完。

估劇情、估發展係睇連載中漫畫o既人o既樂趣之一，- -'
中唔中都有得著架喎，之所以唔好堆埋啲漫畫一次過睇呢。