睇完小丸子真人版，
好睇耶，同卡通版又另一種感覺，
我記得小學時有堂阿鄭sir無啦啦開電視比我哋睇，
果時朝早播小丸子喎，
都唔知播比邊個睇，返學時間，唔通會有啲雙失小學生睇？
無線淨識得亂塞滿個schedule就算…
咁呢小五果一年就有一堂成班o靚仔o靚妹陪個中坑睇櫻桃小丸子嘞，
係個幾ok o既回憶。

xxxxx

睇康熙播，
小S而家真係狀態大勇，
點解訪問啲N年前三唔識七歌仔戲明星都可以好笑到拍哂枱架呢？
我覺得蔡康永o既幽默較為冷調，持續咁、好輕淡咁搞笑，
而小S係爆發性，但短暫啲，不穩啲咁，
但佢哋應對都真係好鬼快，做個主持人都唔係話易吶。