五點鐘要開車，真係撞鬼佢。
四個幾鐘車，我係咁訓，真係辛苦哂我哥。
人就有我，我哥，我表姐，ｐｈｉｌ，ｈｅｂｅ，楊家三姊弟，ｓｔｅｌｌａ，家家，阿瓊。
我哥車有阿輝，我，ｅｖａ同家家。

咁早去到，竟然去等ｗｅｎｄｙ’ｓ開門食嘢。
喺ＯＫ度打等，咦好耐冇見過ＯＫ嘞。
等到燥就走去睇麥記，ＫＦＣ之類，都係冇，又返番去等ｗｅｎｄｙ’ｓ。
冇乜點食，因為見到個過山車就冇胃口食嘢嘞。
畢竟起碼上左中學之後就未玩過機動，如果冇記錯。
同阿ｐｈｉｌ阿瓊玩玩貢，癲的。
同佢哋相處好好多，起碼會聽我講嘢，會同我玩，我存在感會強啲。
我存在感薄到甚至覺得我即使將我條命比左人，人哋都只會冷淡以對。
大家知唔知道有幾難受。
存在感，原來過左咁多年，我又返番去起點。
努力唔比人排擠，努力扭曲自己去迎合人哋，希望証明自己既存在，希望自己喺人哋心中佔有一席之地。
若果話係我既問題，我改唔到，總不能強逼一個弱智唸懂Ｃａｌｃｕｌｕｓ。
一個弱智只能夠讀到啲簡單嘢。
月想爬得高，月跌得重，爛泥扶唔上柄。

嗱到十點半倒就入場ｌｕ，一入去就玩個最激既。
成場有成唔知六七種過山車，有快既有ｆｉｎｇ既有企喺度玩既有訓喺度玩既．．．
呢個好似最快，６２ｍｉｌｅ／ｈｒ，照藤島康介所講，用肉身去感受速度真係唔同揸車。所有風壓，所有後座力都由身體直接承受，仲勁喺度ｆｉｎｇ，過癮。
阿ｐｈｉｌ由頭嗌到尾，話嗌先好玩，玩前佢作嘔作動咁，玩完佢話唔想嘔嘞。
跟住去玩個木頭車，快但唔會轉，賣速度感，而勝在上半身你完全係ｆｒｅｅ既。
再黎係去玩個淋身船，玩完真係濕哂身，個個失哂禁咁款。
最後玩既機動係海盜船，阿ｐｈｉｌ有童年陰影，啦左ｅｖａ，阿瓊同ｐｈｏｅｂｅ去左玩碰碰車。
嘩，睇起黎幾驚，最多連續兩次三百六十度轉，停左喺上面幾秒咁。
但玩落冇咩嘢，冇乜離心力。淨係ｆｅｅｌ啲地心吸力，仲有驚下啲塞豆窿噴口水咁。
跟住興沖沖咁想去玩個訓喺度玩既過山車，唔知可唔可以趴喺度玩，扮超人呢。
去到就落雨ｌｕ．．．唉掃哂興，唯有睇個冇人坐既解下饞。
雨月落月大．．．
去左睇嘢，阿ｐｈｉｌ勁買手信。
跟住去揾嘢食，喺ｓｕｂｗａｙ食啲又凍又硬既ｓｕｂ，第一次食ｓｕｂｗａｙ，亦都係最後一次。
最後攞左張飛，可以今年內去多次，好彩。

時間尚早，去左個ｍａｌｌ行，係咁行，冇買嘢，好眼訓。

回程，佢哋係咁撩阿輝講嘢，真係比我哋起哂底ＸＤ實嚇親。
半醒半睡間聽到原黎阿輝細過我兩個月，跟住家家想串我，我繼續訓唔理佢。
咁係吖嘛，我又冇ｔａｋｅ　ｃｅｅ牙．．．遲人咁多，我都唔想假，慢慢黎都冇所謂啦，搞到我又自卑。
成車人悶，想傾偈，咁就要逐個人自爆，跟住就討論過係咪處啦，初吻啦，初戀啦等等。
原黎阿輝都係咁乖，我身邊都好少人似電視啲咁誇張地放縱。
呃．．．一開始就高潮迭起，會無以為繼架喎，所以回歸清淡既談話。
問過咩呢，有印象既，問有冇打交，問幾時喊過（真要我答，「琴晚」），問細個阿爸阿媽點打你，問學業同玩樂既選擇，問阿媽同女友救邊個，問家人幾時喊過，問幾時飲酒幾時飲醉幾時飲到劏，問有冇激嬲過ｍｉｓｓ，比ｍｉｓｓ針對，問鍾意樣定身材，又滲雜善良同唔善良，又滲雜貪錢定貪你，問到糊裡糊塗。
哈．．．阿輝個人幾ｎｉｃｅ。
佢話佢仲試過差啲比人踢出校．．．嘩勁。原黎佢係啲唔認真讀書但讀書叻既人，即係我生平最憎果種人ＸＤ唔可以話憎，好唔抵得囉。
因為自己十幾年黎曾將全逼心力擺喺讀書度，先至叫做見得下人，黎到就比人話「淨係識讀書」，一下子將我既人生否定，一下子打左我入地心，我認我的確淨係識讀書，但同我講我做左一生做既嘢其實唔係咁重要，會唔會有啲殘忍，仲要變左口頭禪添，而果個人呢因為我一句戲言就可以嬲架下。

返到去，十一點就訓得着ｌｕ，犀利。