Ellie真係超~搞笑。
講嘢依然係咁老積，而且比以前更過度活躍…
拖住佢行街+耐唔耐就抱下阿B，隔一日就周身酸痛…
阿B又有比Ellie帶壞o既跡象喎，月黎月過動，
情緒起伏鬼咁大，一時狂笑狂講嘢一時吽哂cool哂，
過多幾年變左Ellie x 2就真係唔知點湊…
有日拖住Ellie喺Boston個Chinatown行，
走左入間中藥房，
Ellie拉左我入最入面有個阿伯坐喺度睇報紙，
跟住係咁嗌「把脈把脈！」XDD
個阿伯咩反應都冇，我就即刻拉返Ellie出去…
跟住又走去櫃枱，問個阿姨呢啲乜藥呢啲乜藥…
冇時停，又成日無啦啦喪笑，笑到好似巫婆咁…
不過我見佢臉色比以前差左好多，
又黑眼圈又臉青青又嘴唇冇血色咁喎，
真係過度活躍嘞！活躍到訓都訓唔定。
到佢大個左如果文靜哂Lady哂，我諗我會好唔慣。