第一次自己揸車，隔離坐住個媽咪咁啦，落大雨播，好彩冇咩跣呔撞車之類發生。
去到個ａｔｔｏｒｎｅｙ　ｏｆｆｉｃｅ度搞左半個鐘，簽哂啲文件咁，卅號就ｃｌｏｓｉｎｇ　ｄａｙ嘞。
不過我諗唔到七月尾都未搬得哂間屋，太多嘢ｌｕ。
唔．．．始終住左兩年，有感情架嘛，卒之要搬，感覺有啲異樣。

返到黎，阿輝話放煙花，咁大雨放煙花？原黎昆我。跟住話要趕ｅｖａ走，叫我去幫手。
過到去，咦四姑姐賢伉儷都在，好耐冇見。
跟住上阿輝間房ｈａｅ左陣咁，ＧＴＡ：ＳＡ睇落真係幾好玩播。
姑姐去完我度返黎，嗌ｖａ姐走ｌｕ，ｖａ姐多謝我陪佢坐喎，邊有咁偉大ＸＤ諗住可能有牌打，又阿輝叫，先過黎看看而已。

睇「いま、会いにゆきます」／現在，很想見你（台）／藉着雨點說愛你（港），舊戲，蠻好看的。
又係竹內結子，比起ｐｒｉｄｅ，睇得出佢淺妝左好多ＸＤ但都係咁靚。
佑司好得意，有冇細路仔真係咁生性架呢．．．同巧兩父子之間既互動好感人。
冇睇過古仔大綱，結尾有少少意外播，唔錯，有巧思，比作者ｔｒａｐ了。
但有一點．．．即使由過去跳左去未來，點解澪會冇左記憶架呢。