忍唔住口…食左半包薯片倒啫…
稍稍冷清過一排既我塊臉又熱鬧起黎嘞…

記得唔知上年定前年…
同藍嵐去ｗａｙｎｅ度ｊｏｂｓｈａｄｏｗｉｎｇ牙，
啲糖尿餐單真係青菜豆腐咁…
千祈唔好比呢個病我…
我咁為食，會揀了結自己好過…

唉…
已經樣衰，仲要麻臉…
我開始認真考慮過下…
反正下半世冇着落既話，
等養到爸媽都去左之後要削髮入空門！ＸＤＤＤ
大家以後去少林寺揾我…
我練套金鐘罩鐵布衫你哋睇。

兩間小學既佛學對我影響係幾大的，
雖則五戒十善記得冇幾個…
五戒有不妄語不淫邪不…飲酒？
哈…學果時細個，細個到唔識淫邪點解，其他四戒我都識…
學校老師當然唔會解釋「淫邪」比班天真既小學生聽啦…
我就走去問阿媽ＸＤ
我媽求其答我…我依家諗返起，佢果時實好尷尬…

一直對佛教都有興趣架…
佛教講求修心養性，勸人向善，脫離人類根性上既種種惡習…
我認為目的甚至係要抑制所有身為人呢種動物既所有本能…
搞到「人唔似人」，
咁就「修成正果」。
好好奇究竟得道之後…喂即係算點，
若果所有生命真係如佛家所說全都喺六道中輪迴，
咁涅槃成佛，脫離六道後又係點既一個生命存在呢…