<ただ、君を愛してる>(只想愛着你)

市川拓司喺睇過<戀愛寫真>(拍過電影，廣末涼子、松田龍平)呢套戲之後有靈感而寫o既小說，
就係<戀愛寫真　another story>，而戲名取自大塚愛唱o既主題曲其中一句歌詞。
故事我覺得普普，可能成書時傷病戀仲係啱興起啦…
但拍成電影後，我最鍾意係啲景，靚到dump一聲之餘好真實好有說服力，
點解個森林會令主角着迷？覺得咁特別？因為實在太靚嘞。
仲有另一樣好係導演唔知用左啲咩手法令到「時間流動」自然而令人接受到，
短短一套戲入法可以令人相信當中包含左幾年o既時間，
而喺尾聲諗返起開頭o既情節可以令觀眾覺得感概萬分。
玉木宏呢，真係幾靚仔。
佢做千秋王子(Nodame Cantibile)時已經覺得casting簡直係perfect，
但每當佢做啲漫畫式搞笑時都覺得好痛苦…
演出我凝住硬係有種空虛感，須要努力。
宮崎葵，有冇人鍾意佢戴眼鏡多過唔戴？
佢角色性格太唔真實lu，可以天真陽光到咁？
但覺得佢做得唔差，可能角色太討喜嘞。
唔錯，諗住睇埋小說。