去吉野家試下食，
名壽仲好食過佢！
或者我美化左回憶啦，
記得中學時去名壽有牛丼食，好好味。

又去婆婆度，
幫佢搞唔知乜戶口啲嘢，
勁麻煩！我理財頭腦好差。
老人家記性差正常，
但見婆婆同一樣嘢講完又講咁多次…
嗌我食金莎嗌左五、六次…
有啲心酸。

夜晚去大伯度，
一齊去深井食燒鵝。
阿寧高到吖！
上年eva返時仲未高過eva，
今年已經過左佢啦，
我好似高佢少少咋陰公…
細個玩埋一齊，
但大左就生疏哂，
見佢成日同菲傭loida講嘢，
成晚粒聲唔出，
都覺好難攀談。
劉盛譽就好得意，
話咁快7歲，乜都識講嘞。
一返屋企就跳跳札，
好似過度活躍咁！
真係鄧阿auntie慘。