晚晚訓覺o既時候，
無論天氣幾熱、冷氣幾冇力，
都硬係鍾意攬住張被喺心口。
成日隔朝起身，張被都皺哂。
唔知算唔算怪癖，
但唔比張被我攬真係訓唔着。

聽過有啲人有種習慣，
會keep住條由細用到大o既舊毛巾，
得閒無事會拎出黎搣，唔搣唔安樂咁，
就算去旅行都會帶住。
又有啲人會訓唔到陌生枕頭…
我諗呢啲都同我習慣一樣，
都係人尋求安全感o既無意識舉動。
每當發覺自己唔知點解咁做，
但做左又會感覺唔錯時，
都會好無奈，人始終係動物呀。