卒之揾到nana第十二期…
一睇,仲有十三期添=口='
等左有冇一年呢…要重温返十一期先。
比十二期開頭嚴重嚇親！@@'
之後上返條軌道…
啲foreshadowing甚麼的，
例如開頭例必奈奈以未來o既語氣旁白…
真係又愛又恨…會唔會我諗太多~ ~'

吖掛羊頭賣狗肉！
又話單行本，點知係連載翻譯版…
仲要簡體添…
但挑剔極，都好滿足咁睇左幾個鐘…
幾鍾意以樂隊為主題o既漫畫喎，
beck都好睇，但nana對樂隊之外o既事、人物感情o既描繪，基本上搶哂戲。
矢沢愛真係…掂~
永遠會有意想唔到o既情節同高潮迭起o既安排…
佢一定都好有編劇細胞。 
最早o既近所物語…因為scan得太差，草草睇過…
但Paradise Kiss，真係一睇再睇…
哎吔究竟有冇最後果期o既單行本架…
月刊連載，有時間畫，我覺得畫得靚過nana添…
而唔圓滿o既結局…旱啲一句，反而有淒淒o既缺憾美添…
同其他輕鬆搞笑o既少女漫唔同…震憾好多，印象都深好多…
譬如話彼氏彼女之事情…
總一郎o既身世故事嚴肅係嚴肅冇錯，
但happy ending實在太淡而無味嘞…
我睇完一陣，都唔係太深刻lu，
我真係幾變態…普通讀者、所有人都變態…
所以悲劇對人始終有種簡直係誘惑性o既吸引力…
呃，唔知nana會點結尾呢…

hm…你想要的話，可以問我。