故事講一個成日諗住自殺諗嘢極消極o既老師， 同佢班奇奇怪怪o既學生。 睇o既唔係情節，而內容暫有兩類型︰ 第一係介紹啲學生或糸色望老師家族人員出場啦， 第二就係系色望老師對某啲社會現象感到絕望。
笑死！ 畫風好得意，好似啲古代板畫咁。 偶然會對淨係得課室一個主要場景、故事無主線不滿。 學生同埋系色家族o既各種屬性設定得好好， 目的應該係模擬社會唔同o既聲音對每個章節o既某件事提供睇法。 日本經常講咩「社會現象」，或者會譯做「潮流」啦。 就咁睇個詞語，「潮流」，社會大眾隨波逐流， 但如果係係「現象」，大眾係企喺觀眾者o既角度。 唔多唔少都顯示到日本人o既批判性。 每個社會都有唔同o既弊病架嘞， 但如果大眾做到嘲笑人之餘不忘自嘲， 比起某啲夜郎自大、又嚴人寬己o既群眾當然黎得妙。
