唉葉童。
真係年紀大嘞，
見到佢個眼妝就好無力！
唔關棚牙事，
根本唔認得佢樣嘞。

我細個都算睇佢大。
無線買過套台灣拍o既《倚天屠龍記》黎播，
我諗好多人果排都有追啦，
馬景濤做張無忌，
周海媚做周芷若，
葉童係做趙敏/敏敏穆特爾！

cast得最好係周海媚，
太屈機，連金庸自己都話佢係完美人選，
完全做到周芷若楚楚可憐但其實滿懷心計o既感覺…

圖係張翠山同殷素素造型…
成套最唔明係點解要搵返同角色做佢兩個。
可能想表達兩代孽緣o既巧合啦。
葉童做趙敏勝在討好，
趙敏其實好可愛，
同周芷若對比o既係，
趙敏表面形象係個奸詐妖女，
但對張無忌就最真最坦誠(後期)。

仲有另一套劇最深刻o既，
係喺亞視播o既《新白娘子傳記》，
呢套係我第一次接觸到《白蛇傳》。
我好中意《白蛇傳》個古仔架，
淒美程度同《梁祝》差唔多！
我仲記得睇過徐克拍果齣《青蛇》！
好似係張曼玉做小青，
好想睇返。
希望以後再有人用呢個題材。

趙雅芝做白素貞。
以我年紀追得及佢所拍o既劇，
呢套應該係唯一一套嘞，
趙雅芝有幾靚真係唔使多講啦！

葉童反串許仙。
細個對反串呢樣嘢冇乜概念，
所以間接好留意葉童。