小S主持返康熙都一個禮拜嘞，
呀呀，唔使youtube日日有人話miss xiao s。
Selina最後果兩集我都未睇…
雖然小S啱返好似未係狀態，
都已經好過Selina多多聲！
起碼小S主持係會keep住講嘢架囉。
不過其實Selina呢半年做咁耐，
都不斷進步緊，「選擇性好笑」，
喺某啲題材甚至講太多嘢佔左來賓時間添。
當然係人都知搵Selina係因為佢fanbase啫…

如果康熙做多半年左右話摺埋，
我諗我都唔會驚奇嘞…
首先小S做做停停，
好易突然攞唔返感覺同節奏；
而蔡康永已經厭煩左好耐架嘞，
若然呢段時間內康熙變唔出乜花樣，
收視冇起色，康熙佢兩個主持費又貴，
真係憂患重重，話摺就摺架嘞。
陳漢典應該係最早下馬果個掛？
當初請佢當然係為幫Selina過渡，填小S空缺，
而果半年內兩個人好努力摸索，
慢慢都有效果出黎，陳漢典愈黎愈紅，
但係而家小S返左黎啦，
唔係有觀眾緣，觀眾要佢留，佢真係冇掟企。
陳漢典，係，佢模仿方面好叻，
隨時笑到你跌落地，係個好來賓，
但佢主持o既口條基本上係零！
康熙兩個喺度，節目返番基本訪談o既軌道，
陳漢典係接唔到話，無用武之地，
講係咁講，我都好中意佢，希望佢進步啦。