今日返到去課室，就見到同我組個兩個男仔，佢地咁早既．係啦，我已對阿ｓａｍ改觀啦，因我發覺佢唔係好衰啫．

　　我比了張我諗的廣告劇本比好人（還未記到他的英文名，況且佢地兩個係我面前講他（ｓａｍ）是壞人，他是好人，我以後係．．．ｂｌｏｇ就咁叫佢地啦，嘻嘻），但個好人睇完後，同壞人之前的評語一樣，＊好好＊，用我個個拍，我就會係導演．ＮＯ．．．我唔做，我唔打算做架，比個ＰＡ我做就得架啦，我唔想畫圖呀∼

　　今堂時間過得好慢．又教返ＡＩ的基本野，悶爆∼

　　不過係９：３０已講完可以走得，但我係９點９先走∼

　　唉，那好人同壞人係到"聊"我講野，有點煩．但佢地令我諗起中學時有幾個男仔，出盡辦法令我講野同笑，可惜冇咩效＾＿＾∼

　　今晚返學，有好幾個驚喜出現．．．．．．

　　去到電梯，見到ｓａｎｄｙ，可是她唔認得我，但我知道一點兒，ＤＶ又是她教了．上到去我睇緊邊間課室之際，ｓａｎｄｙ剛剛也走過黎睇，之後她終於記得我了．她問我返咩，我答ＤＶ，她說了句好，就話帶我去了，可是進入走廊之際，她有事，叫我自己到７１３ａ先．

　　入到課室，第一眼便見到阿儀．呼∼我之前幾擔心得我一個女仔，不過之後就只得我同阿儀兩個女仔．夜校ｄ人好大過下，......

(閱讀全文)

　　我盡以為今天會順順利利，點知．．．．．．

　　返到去，我覺得佢改了的設計離了波鞋，一隻鞋都唔見，只剩宣傳世界盃．接著表板，卻讓我表錯了．阿ｓｉｒ又話我ｄ設計唔掂，咩到唔掂．ｄ設計要全部再整過，心灰了．

　　我真係有點憎佢，又唔多肯接受我意見，唔相信簡單就是美喎．原本ｏｋ既野，又話要改，而且用阿ｍｉｎｇ個組ｄ設計黎比較

　　最終，我放棄再做．我知咁剩下佢一個人做唔多岩，不過我真係好傷心，好生氣．一......

(閱讀全文)

　　忽倆忽三既一組，好偏忽呀！

　　光主要整網頁，其他野咪剩比我做，咁樣都算啦！我只擔心我既設計過唔過到阿ｓｉｒ個關咋，好驚呀，點算呀，明天就係啦！

　　做project，搞到唔得閒更新日記＞＿＜∼

　　個組入面一時一時三個人，一時兩個人，有點混亂呀，不過主要的只有兩個∼

　　原來５月３１日，就係端午節，好快啊∼　怪不得近排聽到"咚咚" 鼓聲啦！

　　今日聽同學講，我同光只得倆人，可以同阿ｓｉｒ講，拆散分別去其他組．我同光都商量過，決定繼續倆個就倆個！

　　點揀都唔多好架啦∼　入其他組：佢地都傾得七七八八，而且分配好工作，入組唔係幾好意思架；繼續倆個人，雖然係就係辛苦些，又可能做唔切．不過苦咪苦囉，當係過去旁聽／觀的補償囉，有時係要向樂觀的方向諗∼！如果有第三選擇－－－唔使做，我實揀呀∼（某：咪發夢啦！）

　　時間冇多啦，一件完成品都未有，慘啦......

(閱讀全文)

　　昨晚，接到過壞消息，組員只剩下我和光，噢．．．點解會變成咁架？

　　天呀∼！兩個人做６樣野，每人要做３樣 ！其餘３組都５個人架＞＿＜

　　我話會比心機做啫，都唔使要我做３樣嘛？　呢組的確好唔掂，散成這樣，想偷懶都唔得，真係苦過苦瓜！

　　呢整日都在諗點設計好，遲早諗到頭痛啦．

　　我冇可能諗唔到架，諗點玩時，又諗到ｄ鬼主意．我一定諗到架，一定諗到！

　　我冇嬲ｄ同學．嬲佢地，不如嬲自己先啦，我而家的確嬲緊自己，嬲緊自己點解咁冇用，但今次我冇收埋自己唔見天日，冇洩氣到，反而想直著今次為改變自己的初步．

　　我要堅強，我要盡力！

　　今日返到學校，當我行過櫃台時，個ｄ人叫停我話今日唔使返啵，心叫了一聲＊唔係卦，又係咁冇通知！＊．不過另一個人話今日係要返，呼∼好彩咋．

　　我開左５部電腦，５部都冇３Ｄｍａｘ，最後好彩有人黎搞掂．

　　全副精神擺左去整３Ｄ，阿ｓｉｒ講project細節，我冇聽到．聽到ｄ同學分哂組後，我更加唔想聽，我還未入組．見到佢地閒談時，我卻在想＊如果我入唔到組，５月返黎都冇謂啦，可能唔返算了．（心灰意冷中）＊

......

(閱讀全文)

　　悶死人唷！由上星期３返學個日後，呢幾日都冇出街．想出都唔知去邊好啦∼

　　想去圖書館架，不過下次我又未必撞正最遲還書個星期２得閒啵，都係等到星期５先啦∼

　　個３Ｄ我又再次整個另一個公仔，外形ｏｋ啦，不過ｄ色未搞，連其他都係呀，弊啦！

　　昨晚，發了個好開心的夢，既刺激又甜絲絲架，想起都會笑∼

　　５月了，一個要做ｐｒｏｊｅｃｔ的月份，提起精神吧，小月！