今日又遲起身...差D on duty遲到!!
好彩臨尾一分鐘返到去..估都估唔到!!
跟住拎locker...勁多書要拎...重死...
返到課室禮CD野...又拿拿臨去on duty...
愈黎愈遲on啦其他人....算啦...都無物所謂...又唔係多人搵老師

Dear睇ERS...半途見鄭sir睇書睇得咁入神...
所以拎左diary黎寫....
勁多篇要寫囉...今個月一定要拎到seek...
其實我知鄭sir係知我地做緊咩..
不過唔話我地姐...希望我地自動自覺姐!
不過時間緊逼....無可奈何都要做架啦...鄭sir..真係唔好意思啦!!

HIST堂好笑...我求求其其答左D野俾吳sir...
但他似明我講咩...但我自己都唔知自己答左D咩....= =
跟住他叫人出黎寫答案...跟住坐左係寶寶個位度....
我,J+K, Flora, Piyo係度做手語....哈哈....齊齊鬧吳sir...
好笑....對面D男仔唔知我地做咩...睇到傻下傻下...

PTH堂都無咩特別...
CHIN仲要對卷...悶爆!!
BIO堂調坐...開始個陣嚇死我...好彩銘蕙相助...
坐左去後面....都係咁講野....阿ning同J+K係度扮傾電話...笑爆!
CHEM堂又教新野啦..我有時都想知鄧sir發生咩事....
他可以一時時苦瓜幹咁...但有時會即刻笑笑口...= =!?!

Lunch見到腳腳&巾巾啊...好開心!! 可以同他們一齊食啦~
希望遲D可以多D一齊食!!! 期待啊!!
跟住去ON duty...我話過要去睇Alison唱歌...
好彩最後偷走成功..仲可以聽到半part Alison唱歌...自彈自唱!
原來她piano都有8級...唔講真唔知...勁!

放學唔想返屋企...對住屋企人我就煩啦!!!
咁搵左雨雁一齊係小食部聊聊天....
坁漪G事..我真係不知如何去幫他!? 好難去判斷究竟你可以點做!!
對唔住啊!! 咩都幫唔到你.....但我會支持你架!!
若你有咩要幫手...有咩唔開心...若要哭..叫我出黎我一定出!!!
跟住同左阿DOM拎左$1...當係送俾Mavis CHEM合格禮物啦!!
她開心到傻左.....^^ 我都好開心啊...原來阿DOM都幾有男人味!!
再同小珊, David他們一齊聊聊天....
等到MIss Ng趕人先走....

我同小珊一齊走...我一直諗左好耐....
講定唔講好!?! 講俾人聽好輕香咩!!!
但係D野擺係心度又.....真係好辛苦!!
小珊話唔好有野就要講, 唔好學佢咁, 咩都擺係心度!!
我講左啦! 但又後悔講左D唔應該講0既野!!
算啦...講左0既野就如潑了出去0既水! 收唔返!
希望D煩惱野快D散啦!!!
希望小珊係唔開心個陣同我地一齊講...我幫得0既都會幫!!
又係你話放係心度好辛苦架...叫我唔好學你!! 咁你都要改啦~

我覺得好辛苦...
但辛苦在邊我都唔知....有誰留意其實今個星期我的笑容小了....
我leader同我講, 我先知原來我的笑容隨著彼累消失了....
但有誰知道?! 有誰留意到?! 有誰明白我辛苦在哪?!
無人會刻意去關心人...包括我在內...我有時都會忽略別人0既感受!
做人真係要多D去關心身邊0既人!

人漸漸地長大
就算唔想, 日子都唔會等我地!
學懂珍惜, 學懂關心, 學懂不要讓自己後悔!
願人人都開心!!!