禽日先諗緊轉唔轉工....點知今日就比個老細叫入房....

問我D問題同話我知道一D野.......

老細：做左個幾星期慣唔慣呀...

我：都OK既！D仔仔女女其實都乖既，只要唔好有人講D次激既說話其實都OK架

老細：咁D同事呢

我：同事都無問題啦

老細：咁有咩要幫手出聲同我講喎，因為都想你一路做落去架.......(講左D唔想我走既說話啦)

我：其實暫時都好既.....

但有某同事成日又打又鬧咁對D仔，我覺得唔好囉....咁佢地係弱智姐，都識分邊個對佢好邊個對佢唔好架，你係唔係都打咁佢地點知道點樣為之錯同岩呀，咁我都講埋我上一次比個仔打件事比個老細知啦，我同老細講我而家唔敢企係呢個同事側邊做野架，點知佢幾時又多口整到D仔打佢架。

老細：哦！其實佢既事都知架勒，其它同事都有講過既，佢係我面前又無咁利害架喎

我：明知你係度都咁咩.................

老細：我會話佢架勒，同佢講下啦，因為之前其實都講過架....(跟住無啦啦轉左話題勒)

我地都會有D課程可以推薦你去讀架，不過係唔定期架，係政府既，都要看看你有無興趣既

我：哦！原來係咁，暫時都係果句啦！哈哈.....我鐘意D仔仔女女既(跟住講講下我就好自然咁走左出黎，哈哈，費時講咁多啦，咪又係留我)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

個心其實都仲諗緊......不過都會係過左年既事，點好呢...想轉既原因有幾個既

1.因為唔鐘意個同事做野手法

2.收六點都覺得夜(因為未試過一日係準時)

3.人工唔會同個時間平衡(返七收六...連想做下自已野都唔得，真係成個人比左間舍)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

未試過鬧人鬧到佢喊既，無法啦...佢真係一個固執、硬頸、有D唔鐘意就自已打自已跟住話人打佢，要人就晒既人，咁我咪為有衰人囉，無理由個個怕左佢要就晒佢既，咁第時真係有機會出返去點係出面生存！(我既方法就係：你要喊就同我大聲D喊，要打自已就唔好就住就住要打大力D，我唔怕煩既亦唔會就你)

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

講完公司野都要講下我自已...哈哈

今日心情係好好既，因為收到個訊息丫...嘻嘻(唔話你地知，哈哈)