琴日TEST唔合格既事,話左俾呀媽聽,佢更係有鬧LA.唔鬧到唔正常,但係佢咩都拎黎鬧,讀書唔好又關做唔做家務事,唉!總之咩到鬧一餐.搞到我都發哂脾氣,所以大家就一齊發脾氣,唔理對方。琴日夜晚食左榴槤雪糕,好好味(我係鍾意食榴槤架)!好想再食多次呀!

點解第一堂總係唔順利,今朝IS堂劏牛眼,大擔既我更係有動手劏LA!但係結果係失敗,隻牛眼都唔新鮮,我介黎介去都整唔開隻牛眼,介開左之後只有D黑色汁流出黎,JELLY,LENS咩都冇，可能係因為雪過黎既關係。我勁鍾意MUSIC堂教個首PERHAPS ＬＯＶＥ，尤其係黎句My memories of love will be of you.今日MATHS堂冇聽書,顧住玩,搞到唔知佢教緊咩,好彩李安琪後來教番我,真係唔該哂佢,THANKS!

放左學去左ART RM一陣,之後走去學琴,學琴個到都勉強過到骨,好彩。

 今日爹D車我番學，係難得一次既事。番到學校開完lock，即刻上library print maths article and中文作文資料。我7:50a.m上到去,等到8:00.a.m先有得ＰＲＩＮＴ,足足等左十分鍾,事關有人要PRINT 50幾張紙,真係等到我頸都長埋。第一堂英文已受了沉重的打擊－－英文ＴＥＳＴ唔合格，中文堂仲衰，作文勁難，作到離哂题，雖然有搵資料，但Ｄ資料一Ｄ用都冇，我唔理三七廿一，咩都抄哂落去，連字數都冇數就交左出去。ＭＡＴＨＳ堂又要面對另一個打擊－－ＭＡＴＨＳ　ＴＥＳＴ唔合格，分數仲要係個位數字，唉！真係冇天理，明明兩科都有溫書，但就唔合格。ＰＥ堂跳埋Ｄ勁難睇既舞，我都未見過Ｄ舞係甘肉酸。

今日放學我同陳鈺霞陪左啊菇去買野，之後佢地又陪番我去影學生相，但在那裡影相唔係好貴就係要影一打，所以諗住在大埔墟到影。

ＭＡＴＨＳ　ＴＥＳＴ同英文ＴＥＳＴ唔合格既事，希望唔好俾呀媽鬧得甘緊要ＬＡ！聽日要學琴ＬＡ，但得練過兩次，要加緊練習至得。

每曰一事：今日上英文堂個陣，陳世耀揾Ｄ口水黎抹佢個條整污糟左既褲，Ｄ口水仲ＨＩ落曹剛張枱到，好肉酸呀，曹剛就同ＭＳ　ＷＯＮＧ講，ＭＳ　ＷＯＮＧ就叫陳世耀抹番佢，點解佢可以甘污糟？

 今日一朝起身,即刻開電視睇多啦Ａ夢，我係多啦Ａ夢既忠實ＦＡＮＳ，哈哈！睇完，當然係開電腦玩。然後準備去學粤劇，學粤劇前，我同細妹去左夢想王國到換禮物，之前玩既票加埋琴日玩個Ｄ，有１０３７票，我地換左一本精美的簿，一支原子筆和衣架，同琴日膠ＦＩＮＧ換個一個衣架一樣，只係顏色唔同，我特燈換黎同膠ＦＩＮＧ一齊用，行大埔中心途中見到好多同學，中，小學都有。學完粤劇後，我地食完野，買完糖就回家了。

我番到屋企洗白白，用新既洗頭水Ｃｌａｉｒｏｌ　草本精華，勁香水果味（好好聞陣味），之後我就做埋Ｄ未做曬既功課，ＭＡＴＨＳ好難，勁多都唔識，有冇人可以教下我，唔通我真係數學白痴？好辛苦先做曬Ｄ功課。ＴＨＥＮ睇獎門人，但唔知點解冇以前個Ｄ甘好笑，失哂水準。

聽日有一個ＣＬ　ＴＥＳＴ，現在要溫書ＬＡ，希望我可以考好Ｄ，大家一齊努力ＬＡ！

一日就甘差唔多過去了！（慨嘆）