噚日,同阿辛,小媚,超瑩一齊去左海洋公園玩左一日。玩到成身散晒。一早去到集合地點,一個人都冇,以為去錯地方啦!原來唔係,係其他人遲到,小媚仲打唻話逾時不候,點知佢係最遲果個。

去到海洋公園十一點左右啦!原本佢地話玩夏水禮,點知換完衫之後班男仔又話一陣先玩,我仲用左30蚊買左一對拖鞋,對拖鞋著左成日,著到隻腳鬼甘痛!跟住去左排隊玩過山車我發誓我以後都唔會玩過山車,係過山車上面,轉360度既時候,我以為自己跌左落唻,而且過山車fing唻fing去,一d都唔好玩!玩完之後去左食野,海洋公園入面d野果然好貴,一個雞腿加薯條就要40蚊啦!真係賺死佢地呀!食完野之後去左海洋館同睇左水母,係海洋館入面睇左好多魚,條條魚都好大條,而且仲見到海龜。d水母真係好靚,雖然係d燈光投射,但係見識到好多唔同既水母!最後仲玩左滑浪飛船,玩到全身濕晒!係海洋公園入面真係玩得好開心,不過代價就係今日周身骨痛!

噚日既早餐諗住食m記,點知搵唔到,但當巴士由海洋公園番唻既時候,被我發現係地鐵站既于遠處有一間m記,個陣既感覺真係不能形容。