係里間小學度捱左十年
諗返起以前某d野真係on9到震
一年班
仲記得我仲係幼稚園果陣時
要升小學
果陣周圍去搵學校
幾乎田雞比,陳國威,宣基...........
乜鬼野都去面試
不過無一個有回音
之後派位
派左黎里一間
我排係第十打後既學校
我幼稚園果班入面
得兩個同我同一間
劉建國(e家既劉彥成)同埋袁家威
果陣時有d乜鬼野小一參觀
我仲記得上到去圖書館時
萬老師讚我同麥皓兒好乖
當時既我好開心(我知好白痴)
返學既第一日
因為架校巴要接太多人
所以遲到
仲比廖sir鬧(當時我唔知佢係廖sir)
上到去
就係最on9既自我介紹時間
大家既自我介紹我唔記得
我剩係記得當楊觀海自我介紹時
我第一個反應就係另個頭出去望海
第一次係學校食午餐
第一餐係\肉醬意粉
勁難食
咁每一年既學期頭都有放學練習架啦
果次我去到排隊
台上面有條友講野:如果你想挑戰我既,就做d小動作比我睇!
我心諗:邊q個咁串?
之後先知佢係廖sir
咁練習完又會放小息啦
當時既我係操場戇戇鳩鳩咁行黎行去
見到一條友
個名牌寫住:1c 馬梓峰
之後同佢傾左一陣計
咁就做左六年朋友
之後做埋班長(唔知點解揀我)
當時比老豆老母逼我參加二胡班
就係入面識左梁傑焜
不過之後由於個個星期六都要返
所以我就同家人抗議
下學期就無學
當時上學期既家長會
以0.5分輸左比全級第一果條友
一年班,係風平浪靜之中渡過
二年班
升上2c之後
我都仲係做班長
起初無咩大變動
只係有唔少人退學
鍾皓林,關芷茵
不過舊既去左
新既成堆黎
果年真係勁多人插班
王德賢,蔡啟男(當時未改名),王睛雅,黎志杰,方樂奇,林家芷,好似仲有幾件.....................
仲記得當時萬老師預告有插班生黎時
班上都興高采烈咁討論
『你估果幾條友係咪好樣衰?』 『好驚佢地好惡呀!』 『唔知人品點呢?成績好唔好?』
屋街,就係班插班生!!!!!!!!!!
拎走左我係學業上既成就,嗚!
當時既數學堂
係由龍老師教
每當答問題/你乖
龍老師:xxx好乖喎,接住,彩虹賓賓(唔識打)糖!
果時真係好受用
個個都好乖
仲有
當時要背乘數表
龍老師話,男仔可以背晒既,就會有一架飛機仔
女仔就唔記得有d咩野
我仲記得我拎左架飛機之後
唔洗幾日就壞左
哈哈~
講起二年班,又點可以唔提『臭屁彈事件』呢?
當時上上下堂
突然聽到宣佈
又話停課(好似有)
之後又話五,六樓既要疏散
之後有警車黎
最記得當時坐我格黎既黃德德
『唔知我地有冇命離開里度呢?』
雖然好on9但係當時既我真係有擔心過
臨放學時仲去左禮堂度聽廖sir講野
『如課一陣放學有記者訪問你,答唔知(好似係)』
不過放學時都風平浪靜(至少我係)
當時仲好鍾意放學之後同馬梓峰係出面勁跑
果陣時onon99
唔知自己發咩雞瘟
對林家芷好似有好感(吊老味,二年班- -)
學期最尾果一日
派新書啦
咁我又落左去好兒童
上返黎放學之後
林:你d書我幫你對架
果時仲好on9既我心入面好撚開心
二年班,又咁就完結
上到三年班
同二年班既同班同學各飛散
去到3d班
亦係我六年入面最慘,最差既一年
當時都有插班生
就係我地可愛既小佳佳
同佢好快做左朋友
當時常識堂係由陳國楝老師教
由於我地班太好學
一堂入面晒左好多時間問野
所以次次都比進度慢幾十拍
不過,陳老師教既果段日子真係好開心
又onon99咁人做左班長
半學期都未完
有一日上到課室
老師就同大家宣佈
林家芷同學要退學
仲要只係返埋今日
之前講過話對佢有好感
果時個人真係呆左一陣
所謂既一陣只係一日到
因為9,10歲既小朋友根本無愛里樣野
只係覺得有少少唔開心
同年,我去牙科檢查
見到林家芷
不過我真係好撚on9
當時想行埋去傾下計
但係果陣時我因為分唔出佢係林家芷定係黃美琪而無去
事後確定左原來真係佢
三年班既班主任
林嘉欣老師
去到半學期又要走
唉........又係最後一日先講
陳老師當時話係家庭問題
我仲好記得黃美琪喊左
陳老師都有喊
唉..............
我開頭講過話三年班係我最慘既一年
點解?
其實問返焜焜,聰聰都知
當時班入面有一股惡勢力
就係八婆豬扒大聯盟!
成員有:張鳳嵐,王卓琳,黃美琪,歐陽若嵐,周海睛,仲有幾件好似.............
係班上面惡撚晒
係老師面前扮可憐/乖
當張鳳嵐做班長時
好on9
轉堂時
見你傾計
吊你老母罰抄
你有咩權呀
揸住鳩毛都令箭
之後唔知咩事
新班主任廖瑞芝老師
又任命多個班長(姐係變左三個)
就係周海睛
當時男仔們好不滿
曾經極力抗爭
不過衰左......................................
從此,班上大亂............
點解里一年係最差果年?
我自問成績唔差
每次都有全級5名內
但係果年我唔知乜事
全班係第一呀
不過級名次跌到去第13
最差既一次
唉~
三年班,就唔係風平浪靜,而係雷鳴電閃..............
四年班
我係低年班既時候
曾經好天真咁諗過
上到高年班之後個人會成熟好多
不過上到四年班
覺得自己除左多咀左之外
無咩改變
開學果日
見到班主任係一個高大威馬
眉清目秀既男仕
Mr.Wong
咁到左正式返學既日子
就調位啦
我就記得我去左第四行第二個位
格黎唔記得左係邊個
後面係插班生----------黃曉敬
佢既格黎就係陳可欣
當時我因為重新參加左中樂團同二胡班
所以係帶左一個二胡返去
我就記得佢成日搞我個胡
咁我次次都好嬲咁轉個頭過去
有一次
當陳可欣出左同Mr Wong講野既時候
黃就無啦啦叫我
佢話:喂,我好鍾意陳可欣呀,表唔表白好呀?
我:去囉(果陣時心諗佢係度玩野,一定唔會表白)
陳可欣返黎
之後我埋頭做功課
過左一陣之後
我見到陳可欣又行出去
指住呀黃曉敬同Mr Wong唔知講咩
之後Mr Wong就將黃曉敬調左位
哈哈
我仲記得果陣時我默書試過臨五分鍾到先知默錯成段
當時又好好彩地比我夠時間改
四年班
同小皓子一班
係二,三年班參加節奏樂時已經識佢
(果時佢以經好變態,撩陰插眼)
四年班就..........更加唔洗講啦
果時雖然同聰聰分隔異地
不過都有去小息既老地方(由二年班開始就坐果度)
果時仲有個馬梓X(點寫- -馬梓峰細佬)
下學期轉左去菜男格黎坐
後面233
上堂既時候好放肆咁搖233個唔知乜鬼野計步器
次次搖到第日就重新黎過
記得有次搖到9999
不得不提...........既係~~~~~~~~��
前面係小佳佳!
講起真係內疚
當時小佳佳已發跡
大家對佢都好驚
咁每當佢傳薄既時候
唉............
大家都估到我點對佢
可以返到去以前
我一定唔會咁做!
Big Sally(定Betty?)
有一次
體育堂
小呂唔知受左d咩刺激
發晒癲咁跑
有小道消息話同233有關
果陣時既Art係由梅老師教
『唔好成日問我得唔得,我認為得,就得喇!』
曾經我好天真地信以為真
但有次出到去
『你拎里d作品出黎,你認為得咩?吓!咁都叫得呀?』
從此無晒信心
電腦係由江老師教
由於本29係小三時經常睇呀哥打字
所以係三年班已經識打字
咁係電腦堂上當然深得老師歡心
當時...........
算啦唔講- -
還記得
我當時係好憎小牛的
由於當時本29又係班長(吊,講起班長,如果唔係Mr Wong出到行為記錄紙我一定唔做!)
咁看班時見到小牛嘈住晒
話佢又咁多聲氣
所以內里對面產生一種反感
仲有仲有
果陣時我係早會排隊既時候
見到4a既夏叔叔返黎
好惡咁係隊中間插入去:死開啦!
當時既我心諗:好彩里條友唔係我班,唔係做班長果條友咪死得!
四b同四d既朋友
都記得
當時Mr Wong係好鍾意罰抄的
我仲記得
學期未果個默書考試
我比Mr Wong罰抄到a part可以全部背晒出黎
四年班既成績都有三甲內
五年班
Miss Chan做班主任
里樣無問題
望一望本手冊
數學-------廖雲傑主任
O~SHit!what the fuck!
起初第一堂好nice
之後開始............唉!
最奇怪既係我上到廖sir咁多年堂
到左里家都仲淆
話說我係五年班最勇既一次(最on9啦我諗都叫做)
就係數學小測無簽名!
咁廖sir之前又講過:無簽名扣15分
咁當時我個小測好似95定100分
咁我就巧京京啦
放學時去左搵佢
入到副校室
廖sir:xxxxxxxxx,一係有d咩野承諾,一係扣15分
當時我個腦一片空白,
咩野承諾?唔明
之後我就話:扣分
我見到廖sir好似都呆左一呆
佢再話:xxxxx,扣15分?
我:係!
之後比佢的左出去再企過- -
等左好耐入返去話以後唔會,先無事(原來里樣就係承諾- -)
五年班天才表演
楝篤笑
吊
平心而論
里d跟本唔叫楝篤笑
連林海峰果d垃圾都不如
但係唔知點解有個冠軍
主因係因為其他隊伍質素參差
啊呀!
秋季旅行
onon99- -
先不論個場地細
燒烤.........
我呸- -根本就係燒炭!
我做左吸煙機囉唔該
個喉嚨痛到陳老師都唔認得
惟一有趣既只係山上果幾尊墓碑(有怪莫怪,細路仔唔識世界)
六年班
唔想講太多了
因為唔係一次過打晒
已經無咩mood
惟一值得提的就是係本29既帶領下首次奪得中常問答比賽冠軍吧!
______________________________________________________________________________________
咁多年黎我對咁多位同學既印象
１號歐陽煒傑- 起初對佢都無好感無反感,不過自五年班同佢坐埋一齊之後,先見齊到佢既本性,當時真係巧京京
而且又同一team專題,於是就變左朋友
自六年班某一次電話長談之後,對佢真係了解多左
最後想講一句,重友莫重色
２號陳鳳萊- 了解唔多- -
只係知道佢係某人既對象
３號陳可欣-有傳佢就係於我小一時以0.5分壓住我既粉皮!
不過佢既實力係不容fuck視
而且入埋聖潔靈
黑馬!
４號陳海睛-多廢話，樣柒，自以為風趣
５號陳家偉-首先對佢第一個印象唔係佢既身形
而係同陳海睛一係多廢話既性格!
而且我係里兩年中唔知比佢撞過幾多次
聽我一句
減下磅啦..................
６號陳安琪-係打里篇野之前
我希望歐陽先生你能夠剋制(雖然你話唔再係,不過唔知真唔真)
都係果句,本來對佢無好感無反感
但係只六年班去左佢格黎坐
我敢講一句:潑婦!
講d野唔如佢意就成本書扑落我個頭度
媽的
７號鄭浚聰-由三年班開始識佢
d老師:你地係咪兄弟?
哈哈,樣都唔似啦對不對!
個樣好似怕怕羞羞咁
藍田撚!
咪變基呀^_^
８號鄭浚龍-聰明，靚仔，幽默風趣，天才
講笑- -咪吊我
係一年班時自己係好乖的
上到高年班就開始黎料
曾經有幾條1,2c班既同學問過我:你變左好多
唔知點答囉/_\
惟一可以答既係:
你好了解我咩?
９號張子傑-五年班第一個學期
就同里條友坐
切時無乜野,只係覺煩
但係有一此佢比唔知咩老師鬧
之後就.................嗚呀!爆seed
自此就唔係幾咁想同佢講野
10號蔡苡男-聰明、善解人意、是一個值得交的朋友!!但幽默感缺乏得可悲、網上見識(除MSN)十分短淺!!(牛或星勿小)
11號莊美琪-了解唔多,不過佢都係同我一樣學二胡
嫩/_\
12號夏震業-有睇上面都知
我四年班既時候擔心過里條友如果同我一班會死
五年班真係成真!
但係識落又覺得份人除左成日講爛gag
神神化化之外又冇乜野
只不過真係唔可以亂掂佢
後果先負
13號何佩3(怒我唔識打..........)-一,二年班同過班
當時好憎佢.覺得佢成日吹水同懶係野
上到五六年班
都係一係
14號何欣愉-了解唔多,88
15號洪君怡-都係了解唔多
不過唔記得左一定二年班果陣同佢一齊做過班長
當時同佢一組
萬老師:兩個班長坐後面睇實你地
諗返起真係好屋佳- -
16號洪芷蕎-本來都係無乜印象
兩年中傾開唔知有冇兩句
不過自從 歐陽msn被盜 事件後
覺得佢好港女
17號劉仲程-上面提過
四年班時好憎佢
當Mr Wong係學期尾公佈我地會去邊班時
我聽到劉仲程都去5b
當時既我真係有d想爆粗(唔撚好意思- -俱往矣)
跟住上到五年班唔知點解做左fd
(仲記得一年班時..............定二年班,見到佢打人囧,一拳鍾落郭詠豪個肚度囧)
18號劉演慧-天真,可愛
係我地龍蛇混雜既6B班入面過左兩年
到離開果日仍然能夠出污泥而不染
比個gd你!
19號梁傑焜-係一年班時學二胡識佢
之後因為無學而斷絕左交往
不過上到三年班又行返埋一齊(情侶)
上到五,六年班更加fd過打band
不過六年班後期
你同歐陽無乜分別
仲有,你果六十二分會永永遠遠跟住你
20號梁鈞皓-仲記得二年班識佢時
成日....成日............
唉,總知我就身受其害
之後五年班時一齊比人踼左入創意寫作
再一次咁比佢.....嗚...........
anyway
你條粉皮入到宣基同我小心d
21號李衍靖-2c班既四大天王之一,唔知點解可以入到b班- -
做班長時又係憎到佢入骨
但係六年班坐佢前面時又覺得佢個人唔錯
未壞得晒
22號雷西銘-浮誇,雞紮,無野講啦係咪?
23號呂x(唔識寫.....)慧-郁d喊,大晒乎?
24號倫靜茹-唔想太多里條友,大家心照啦......................................................................................................................
25號麥皓兒-了解唔多,只係1,2年班一班
仲係天真階段
26跪彭慧玲-了解唔多
27號施人中-大師早已看破紅塵
非咱凡夫俗子所能比耶
再者能於本校歷盡種種引誘而視之如塵土
此量乃吾之不及也...............
28號湯頌賢-啊仔....我...我....老豆隊你唔住,嗚.................................
29號曾素華-唔多了解,不過希望里一年幾黎係我多心
30號黃曉敬-開頭仲正正常常
不過上到六年班真係唔掂
駁上位
不過
我認為咁多位巴打所講既:人鍾意邊個佢就跟鬼鍾意邊個
係錯的
佢個d唔叫鍾意
只不過係上位既一種方法
可笑既係人人都認為佢係真心鍾意人
(有冇人可以話我聽佢去左邊間中學?)
31號王家毅-變態,可怕,唔講道理,唔洗比面你
32號小花花-5年班既慘痛回憶..............................................................
係你令到我每朝返學都要兜路行!
33號233(吊,好多人名都唔識打)-計步器好正^_^
34號姚家慧-歐陽,唔好話我話,係人都睇得出,你明啦?
35號楊佳浚-係三年班由我一手帶壞佢
果陣時佢連隻蚊都驚(認真)
上到四年班比人隔離
我最記得有次四年班時
小息完左上課室
我早到,一坐底,就見到佢係門口入黎
跳住咁話:我鍾意,同陽光玩遊戲(當時有里個廣告)
成為一時佳話
36號袁家威-同一間幼稚園
仲記得果陣時佢扮過守衝(當時好威威)
不過上到小學就無乜兩句
我呀媽同佢呀媽就好傾得埋
我呀媽:明明同一間幼稚園同小學都唔同人傾計,係咪人地唔識打機所以唔同佢玩呀?
有d人,係可以做朋友,有d只係適合做同學
里一點我分得好清楚!
不可強求
______________________________________________________________________
當然,咁撚多年唔只36人同我過
仲有一堆豬朋狗友
小呂
四年班果時識佢
覺得佢份人好惡(當時)
之後上到五六年班
就覺得佢好man
小息時強吊潮童
大鬧港女
另外佢係一條超齡友
(估下佢隔黎條友係邊個)
馬梓峰
一年班識到e家
做左六時朋友
不過上到五六年班就無咁fd
因為唔同班嘛
小息時都會係老地方吹水
陳旭鋒
五年班識
放學既時候就同佢無限鳩up
睇唔出邊個?
里個咪呀范俊豪囉- -
特別版姐..................
同陳旭峰一樣
火同angel(唔撚係歐陽你果舊)
網友
三年班識佢地
同火真係不打不相識(on99)
話說
有一次,angel開房賣野
咁我就入去同佢吹下水
之後佢去左食飯
突然,有條叫火之魂殼既人入左黎
直衝埋angel度打佢
咁當時既我好on9
就打返佢,話佢入黎唔買野係度發癲打人
之後兩條友嘈嘈嘈
嘈到angel返黎
之後先知原來係佢fd- -
之後就做左朋友(- -+)
而且傾得好投契
上到四年班時更加係fd到乜咁
當時我每日返學
就係為左等放學
一返到屋企
開機
上msn
見到佢地未on
一人留一句:on左搵我
之後就等佢地叫我
然後無限吹水
可惜
由於我之後無玩彩虹
所以同佢地生疏左
成半年無傾
angel就比我del左
有一日
屎忽痕無野做去叫火
佢認得我喎
我震佢
火震返我
我:火
火:雞,乜事
我:無野,悶咪搵你
火:里排玩返巨商
我:係?xxxxxxxx
火xxxxxxxxx
.........
......
.
.
之後就close返
不過
唉...............
六年班
因為覺得自己無面面對佢
(原因唔多講.........)
所以佢88了
藍血
網友
aoc時代識的
同樣係四年班
當時都係成日搵佢aoc
覺得同佢傾計既感覺好正(唔知點解- -)
不過自唔知幾時開始佢就無on
game唔見,msn又唔見
直到e家都係
______________________________________________________________________________
唔知點解咁多年黎
我所有唔開心既野都係收收埋埋
唔會同班同學講
就算連老哥都唔會
又唔係話唔信得過咁多位29
只不過好似唔想比人知咁
所以
無人會見過我係學校發嬲,頂龍都係黑面
無人會見過我係學校喊
無人會見過我係學校玩自閉
無人會見過我係學校情緒低落
無人會見過我係學校去洗手間(？)
基本上係學校好玩得- -
你如果唔係真係惡意果d
我比你任吊無問題
不過唔好拉我我呀媽落水
諗返起上黎,係學校入去都無乜點樣發過嬲
又冇喊過
有既,痛到喊
果次P.E堂跌手果次
我仲記得係玩咩扯貓尾- -
當時係兩隊圍我地一隊
咁我地就比佢地迫左落去底線
咁我就諗住衝出去好世界啦
一衝,係衝到.不過我聽到後面有兩條友追埋黎
咁本能地轉個身過去啦(廢時比人偷襲得手)
一轉,成個身飛起左
然後落地
之後隻左手痛到飛起
里個時候,終於見到後面果面條友係邊個
anson同小聰聰
佢兩個見我仆街
就好關心咁樣衝埋黎我度
望下我屎忽果條帶仲係唔係度
之後搶走左佢
然後拍下屎忽閃人
咁我就自己一個訓係度
起身,試下郁隻手,哇吊你痛到仆街
行去陳sir度講聲,之後陳sir睇下我隻手
『可能係d筋拉親,坐陣先』
咁我就坐左係張凳度
之後想上返課室
行到去玻璃門時陳SIR話打電話
唔係呀化,當時我咁諗
不過好彩有打,原果唔係就手尾長
之後自己爬上醫療室
係度等老媽子黎
果段時間真係
隻手痛到
D眼淚自己漂出黎
不堪既回憶
不過有D經驗總係好的
最後
我份人好撚多咀
咩事都要搭兩句
(夏叔叔果次.............)
同埋把口有時係臭得濟
所以可能唔覺意得罪左人
咁多位大佬大姐
係度講聲對唔住先
第日唔好搵我尋仇
將來如果我仲未魂歸故土
約出黎見下面,吹下水
回憶返舊時既野
幾咁正!
P.S. 如有大茶飯,可約我出黎斟兩斟,21783287
|
