一次過打晒(遲d有幾張相仔補充)
里次返大陸呢
就有小小唔同
除左只係返６日之外
令我感到不滿既就係要坐朝早車（姐係朝早開出，夜晚到）
平時都係坐開夜晚車
朝早車：神早流流６點起身，搭車，通常會係車上面訓著，大約９點到達，返到去再訓
夜晚車：仲有一個晏晝比你癲，之後４，５點先出門口，搭到９，１０點仲可以訓教,之後朝早7,8點到就可以即刻玩
極力抗爭之下敵不過老媽子
大陸之旅開始...............
好早比呀媽叫醒
換衫食飯著鞋出門口
之後搭火車去到羅湖
過埋關,先8點半
仲有成個鍾先上車
戇戇鳩鳩咁坐係度吸二手煙+等
等到上車啦,原來係車上面做野既某一個人係我舅母既妹(唔怪得搭朝早車,原來可以平d)
咁就開車啦
四圍去接客上車
之後就開始左個漫長既12個鍾搭車之旅
[車上mode]
途中見到一座山
根本就係一座石山
靚到
想映低,不過呀哥唔肯比個相機我
之後開始放電影睇
crying freeman
開頭覺得好戇鳩,好似個主角無敵咁
之後睇睇下無啦啦有三級露點+扑野鏡頭
我吊你老鼠,比你fake左,仲以為係一部on9武打片
望一望格黎既呀哥,神態自若
ok you win
大家都知道
長途車既大巴張凳係可以拉後,比你訓
不過我就唔鍾意
咁我坐車期間後面條仆街
成日用手拉我張凳(唔知係咪用黎支撐佢成個人)
搞到我張凳比佢拉後
吊佢老鼠,成程車比佢係咁整我仲得掂既
但係言語上溝通唔太方便(我閩南話一般)
所以
我就等佢再拉果時
就按個制(姐係本來係你一按個制,然後就可以用力整後張凳)
佢就成個人張我張凳拉到最低
咁我就扮不知情就望住佢
之後佢就收斂左
不過後來佢又黎
里次我唔再望住佢
個人挨前,然再後禁個制
扮到自己feel唔到張凳比佢淫辱咁
等佢自動收皮
果然收效
[車上mode]
終於到左啦~~~~~~~~~~
不過今次係去宛城先(城市地方黎)
落車之後就見到舅父
坐電單車接我地
上到去,表弟(4,5歲)已經衝左埋黎:細表哥
識講野啦!!!!!!!!
上年去時只不過係一個成日打我既細路
無耐就訓左
第朝起身,食完野
之後話另一個表弟要黎
gd!
1點鍾到先黎
即刻坐出去度下高(佢細我一歲,但我上年返去時佢高過我少少)
呀哈,高過佢啦-_-雖然只係小小
細表弟就痴果個表分多過痴我地
點睇得出呢
一,搵唔到我同我呀哥既時候會嗢我地個名
搵唔到表弟既時候會喊
二,我打我呀哥(我呀哥打我)比佢睇(只係玩),佢會笑,仲過黎幫手打一份
我地打表弟,佢會大嗌唔好打佢,仲會衝過黎打我地
一時間覺得自己失左寵
咁其實城市既地方同昋港無乜分別
好悶囉...........
唔通出街咩
成個晏晝就係度hea
之後夜晚出左去玩
遊樂場
過去果邊就要行
我請你好好放底呀真係
過條馬路我覺得好似係地獄經過咁
d 電單車直衝唔洗停,又唔慢d
吊你老鼠,行果時真係驚到比佢撞
好驚險咁過左
去到果度就玩啦
開頭玩賽車
之後去左玩碰碰車
一落到場就見到有兩個細路
咁我個細表弟都玩,同我舅母一架車
咁一開波時,我,我呀哥同我表弟就未掌握到點開車
只好眼白白望住我細表弟比佢兩條仆街係咁撞,撞到驚
之後完左
好唔服氣咁再玩多次
里次知道點樣開車
即刻撞鳩佢
3條友圍你兩條友
第一次玩遊戲會有『撞鳩死你』既感覺
之後總算報左仇
玩多幾樣低b野就走
去左食野
個冷氣凍到
第二朝,哈哈,終於可以走啦
去邊?
緊係去我真正既鄉下啦!
朝早食左野就搭車去
真係唔同香港,架車無冷氣,但係d風大到,爽爆
之後開始上山
上到去,哇,d景靚到
不過又無映到相
咁上我鄉下呢
就好麻煩既
因為條山路呢
就勁多個s彎
真係s到無得再s
而且大大話話有十幾個,仲要連續出現
所以我就有少少想嘔
好彩無事,過關
到啦!
落車,然後向我二叔屋企進發
行到去,就見到隻細狗
吊你老鼠,年年都唔認得我
今次都唔例外,一入到屋前就開始吠我
我呀媽:照行啦唔洗驚
行到入去,隻細狗已經想咬人
好彩,里個時候,我爺爺及時出現
並喝止
先無事
乎~~~~~~~~~~~
之後比呀媽的左上去我二婆果度睇一對孖仔
我表弟:他們是男仔還是女仔?
我哥(講笑):女黎架
表弟:哦....
之後幫佢兩個孖仔換褲時,大象驚現
表弟:原來是男的
大笑
................
其實仲有好多野想打'
不過打出黎你地又唔明(其實只係偷懶既理由)
所以算數
做一個總結算
一,鄉間靚女指數極高,而且絕不mk,也不港
二,夜晚真係涼爽到唔洗開冷氣
三,d蚊多到嚇死人
|
