今朝起身

見到出面落緊雨

雖然只係細細地

不過都爽呀!

但係諗諗下

今日好似有體育堂

頂!

雖然話落雨好正

不過都唔好搵正體育堂開刀

咁果然不出叔叔所料

體育堂死左入去小禮堂

哇大佬,個地方細到呢

之後做既練習都幾悶下

傻下傻下就晒左兩堂

之後小息

呀主席忽然間行埋黎同我講

『喂!今日食飯1點25分要去個c生對話平台呀!』

我好自然咁哦返聲比佢

但係哦完唔夠2秒

就屌左出聲

話說尋日要去個普通話做觀眾

就無去到合唱團

仲要無通知吳老師

咁問答比賽時都已經比吳老師警告過

今日,又要再一次去唔到加通知唔到

咁我仲有得剩既?

本著九死一生既心態向輝哥求救

但係被冷冷的拒絕

跟住唔知邊個人叫我寫信

即刻發癲咁寫啦

咁寫完,都要搵人幫佢交到吳老師手上架

咁我就搵左男班長

我叫佢『拎比吳老師。』

佢就話好

咁我就放心啦諗住

點知數學堂問返佢佢話放左落吳老師個櫃度!

心諗聽日死梗........................