長期睇一個人既blog真係可以睇出佢既變化

以我自己為例

到現時為止我大約可以將自己分成4個階段

第一個階段唔洗諗

係戇居無聊低能白痴幼稚型

講野九成九都加埋晒d表情符號(-_-  a_a /_\ 諸如此類)

好多野為打而打,諗野唔成熟到爆

第二個階段就係更加戇居無聊低能白痴幼稚型

表情符號多多不特止

仲加埋第d野

例如:迷之音,用d台灣用語,係句子後面加(拖走) (速閃)之類

講野又懶係書面語咁

第三個階段係開始轉變

因為上左某個地方(anson佬你知)而開始覺得自己好低能

開始變

而且仲帶埋去日常生活入面

經常用果度既用語,好似懶係野,會威d咁

但係因為始終之前做開好多壞習慣

所以周不時都會用下- -里d之類

第四個,姐係e家

不過事先聲明,1m既小朋友最好唔好睇落去

廢時你地眼火爆又鬧我懶係野扮晒野之流

自己覺得自己理性左

至少知自己衰左會認,錯左會企定

唔會好似以前咁要拎個尾彩咁

同埋會成日拾著係d對與錯既爭鬧入面

好想發表自己意見咁

以前同同學相處

如果想同條友fd d既,就算條友有錯既觀念/講野懶係野/戇鳩當有趣/講廢話

都會附和佢,陪下笑

e家唔會,會同佢理論or話返佢

同埋見到唔公平唔岩會出聲

以係1m入面為例,我如果扮晒野,d人搞下gag我又拍晒手掌

嘈到嘔泡既時候我又唔出聲,仲行埋去一齊嘈

佢地打橫晒咁黎鬧老師我又行埋去一晒鬧

我可以好肯定我既朋友一定多d乜咁

亦都唔會好似e家咁比某d人針對.標籤

星期五個講座好岩

一日向你輸入錯既價值觀可能無事

但係成年都向你咁做一定會賴野

係里班有咩錯既價值觀正在散播緊?

自己做錯事比人鬧,仲有資格去嬲老師

老師做事唔合同學心意可以圍插

串老師係一個好威既行為

以歪理打倒道理十分風光

學期初既時候我同anson佬講過

『你會選擇降低智商黎迎合班人定係選擇唔理佢地。揀左第一個你可能會過得好快樂,但係會覺得自己好戇鳩。揀後者你會比人針對

孤立,但係心安理得d。』

當然當時我同anson佬揀既都係前者

anson佬e家係點我就唔太清楚

我e家就一定仲係係

所以,come on,即管屌我針對我,叔叔唔驚

戇鳩d講句,行得里條路,預左里個情況