唉.........................
果然不出叔叔所料
尋晚,好準時咁同呀哥坐係電腦前
無懼呀爸係隔黎抽水
雖然,我都預左會輸,但係真係唔想佢輸
一個好複雜既心態
睇住佢頭40分鍾比人壓住黎砌
而且唔係連拿一早就輸兩粒先
心諗,唉,去沖涼算,我次次一沖就有波入
沖緊唔夠3分鍾
呀哥:哇x,咁xxxxxxxx,個xxxx中場xxx(聽唔清)
呀爸:再沖耐d呀,笨
心諗應該已經比人入左波
唉,沖完涼出返去睇,果然
不過又真係射得靚既................
諗住半場會振作啦
點知下半場又係打到死狗咁
12碼追返球,3分鍾後又比人入返..........
班拿約又遲遲唔放出黎
唉..................1:2敗走白鹿徑
其實我自己都諗過
點解要支持一隊19年無拎過冠軍既big4其中一間球會
點解要支持一隊日日比人抽水既球會
點解要做一隊比人標籤做自慰狂既球會既球迷
點解要支持一隊一次又一次令我失望既球會
一日到黑見到既係一大堆抽水post
每次輸波又好,和波又好,甚至一球12碼,都有一大堆獌走出黎抽水
我係咪鍾意比人抽水比人串比人恥笑呢
我開始明白a米球迷係球會要賣走卡卡時既心情...........
亦明白佢地打出既果句標語.............
要轉做另一隊球會既fan有幾難
轉做獌,巴塞,一定唔洗怕比人抽水,仲可以抽返人轉頭
但係
難道米堡又無球迷?
難道降左班既找卡數又會無人支持?
雖然你隊死人波搞到我好嬲,又好傷心
但係我都係捧你捧到2036!
|
