今個星期考左3日試
我..我終於都可以理直氣壯咁講聲
我得左啦!!!!!!!!!!!!!!!!!!!!!!!!!!!!!!!!!!
份歷史唔係難,都十分ok(話易會比人屌)
考到一半跌左隻錶落地下,又廢時舉手拾,就好小心冀冀咁睇鍾
唔知仲以為我出緊貓
其實我真係覺得歷史卷係令人有最大心理挑戰既一科
一條問題,比左10行你
但係明明用二行已經可以答晒,6分滿分6分拎晒咁濟
仲係仲有8行係度,睇落去硬係好唔自然唔舒服
心入面不期然咁有一股空虛失落感
之後你就會想盡方法去填滿你既空虛,你既失落
你就會發晒癲咁塞多d野落果幾行到,務求令到佢變到靚靚,令自己好過d
如果係咁,戇居的小朋友你就中左歷史老師既奸計啦!
第一,明明你已經拎晒6分,仲寫咁多落去把鬼咩,一陣寫錯字又扣分,寫多左錯野又扣分,多舊魚
第二,你好多時間咩大佬?成日考完歷史係度呱呱嘈,話唔夠時間,鬼叫你寫咁多垃圾野落去
第三,你好好手力呀?考完之後又係度話寫到手抽筋又盛,隻手抽下抽下好似d低能仔咁,叫學校貼錢比你睇鐵打好唔好?
第四,唔好咁蠢比老師拖住走啦,老師比十行你就填十行,比二十行你你唔係都咁蠢走去填晒佢呀?
總結,為寫而寫的都是戇鳩仔,簡直係[楊怡mode]蠢鈍如豬[楊怡mode]
|
