很好很好,又係無野打搵野打既時候

點都要幫里個blog吊下鹽水

話說離二胡同合唱團既比賽都將至

二胡方面學到一pat屎咁

預左比人笑柒,自己太懶唔練

又比呀sir話

算數啦,我都無興趣

合唱團方面

學期初the mr wan講到好有時間咁,學碌山既時候仲好悠然自得咁慢慢教

於是就碌到一塌糊塗

仲有到e家都未試過同女仔夾

之後揀一首自選歌,揀左首西班牙文

一黎難讀,二黎又快到仆街

真係唔知點算好

雖然咁樣講好似對the mr wan好唔公平,但係我真係好掛住吳老師

係吳老師既威嚴之下無人敢唔黎練習

上年既合唱團男仔有幾十人,加埋女仔六十幾七十件

但係e家男仔既恆常出藉人數得果15件都唔知有冇

仲有整多左個童貞合唱團

真係愈搞愈亂

話說係吳老師時代本校合唱團都很風光的

其實我覺得吳老師同the mr wan既分別係邊呢

首先,吳老師同the mr wan都係好親切的,係合唱團時

但係吳老師就能收能放,平時同我地吹水,講野又nice同幽默

但係當係d應該發嬲既時候就真係好惡,惡到個人會震一震既

但係就太情緒化,有時英文堂上得唔開心,lunch既練習就會有少少挑骨頭,遷怒於我地

但係咁都好,大家都對吳老師又敬又畏,又愛又恨

但係the mr wan,平時太親民,正常黎講我係平時見到老師會點一點頭/嗌x老師

但係我見到mr wan係會同佢say hello同揮手

平時佢又無乜點鬧人,又成日落小食部同(女)同學吹水

同佢講笑佢又唔嬲,仲同你講返轉頭

可能因為咁大家都唔驚佢,所以就唔黎練習又盛

不過時間可能真係會證明一切,且看the mr wan首季戰績如何

上堂中文堂,好耐無試過上得咁開心

又輕鬆

果時忽然好想周老師出多d深層次既問題

可惜夏令,時間少左5分鍾

正pk,想佢快d完又唔完

想佢耐d又唔耐d

難得我咁沉醉於里堂中文

lunch後既英文堂,見到the mr wan同合唱團練習時完全唔同左人

嚴肅左,原來是因為我地級測考得唔好

好似有唔少人肥左

好彩我都唔算衰,至少高過solong2

但係嚴肅完一堂又正常返

唉,所以英文班d粉皮咪當你透明囉

不過算啦,反正大家都當mr wan係朋友咁(我覺得)