補返行山果日
話說,係事前就約好左solong2,天才同洞西8點係將軍澳地鐵站等
咁都幾早起左身
煮個公仔面食,食完就出發
行到去王華湘果個燈位,先7點9
於是叔叔就好on9咁兜左一個大圈,經中心去地鐵站
去到月台果度,企左一陣都係見唔到人
之後一班車到左之後,就見到洞西高大既倩影同俊俏既面孔
洞西:寶貝(請代入sunny哥既聲線+雙手張開熊抱)
之後hea到8點1,天才同solong2都未到
就派左洞西上去睇
5分鍾後,洞西就帶住天才同solong2黎
solong2著短褲,真係不由得令我欽敬陰敬
之後上左地鐵,發覺時間過得太快,去到目的地可能只係8點5既時,離集合時間9點有點遠
曾經諗過每個站都落一次車,但係里個低能念頭無實行到
老老實實咁去到
一落車,出埋閘,就見到班女仔係7仔施施然行出黎
由於無野做,只好行下黃大仙商場
行經一個包店,望左幾望,就同天才去左百佳門前
偶一轉身,發覺洞西唔見左
望多兩望,先見到佢正係包店度排隊,回頭報以一個微笑
隔黎既solong2:你係咪痴架,里條友傻架!上次同佢田徑,行行下又忽然見到一個撈面又話好想食就走去買,e家又係咁。
之後繼續行,行經一個老夫子擺設,有一對夫婦請solong2哥哥仔幫佢映相
之後行到無野行,就返返去
見到sunny哥等人
我心諗我地8點半到,都算係on9,班女仔8點左右到,都算係戇鳩
點知天外有天人外有人,suuny哥佢地7點9就到左
真係戇鳩無極限
之後一路係度等,d人都陸續到達
兩位老師都到左
齊人之後就出發
首先步出地鐵站
之後去到一個巴士站前停低,原來要搭巴士去慈云山先
之後好彩洞西岩岩好夠錢搭(因為大家先前都唔知要搭巴士)
係車上,大多數人都係上層,下層得返d女仔
不時傳黎好多尖叫,羅老師同我地講:有冇人識佢地?
冇!
十分鍾到就到站,中途仲落雨,幾驚要取消,好彩落左一陣就停
落左車之後,就向住山腳進發!
首先要上一段斜路,d路係平既,但係行完上去之後,已經有少少喘
只係幾十米............
林老師:仲未開始架,大家做做熱身先啦
羅老師:下!
之後亂做熱身拉下筋,就上路
一黎就成堆樓梯,開頭都仲掂,仲串串貢咁
但係行左唔夠百步,就開始想死
果時應該行左1/15都未到
之後死死下咁,行到上一個亭,林老師話係果度休息15分鍾
係個亭度我攰到訓左係度,無力呀大佬
林老師說;仲未開始架...............
羅老師說:下
洞西說:羅老師青春左好多
區峻豪說:里度寫咩眼前風光無盡,得個無盡係岩
鄭浚龍說:救命
之後林老師每人派左一粒有助增強精神同力氣既糖比我地就上路
行左一段仔斜路之後就要行樓梯,痴線架,行左一陣又無力
漸漸地,23人分開左3隊
第一隊:殿後大隊,里班人既骨幹人物係兩位班主任,同一大班女仔,仲有幾位投機既男仔,慢慢咁行,好後好後
第二隊:時上時落中隊:里隊既骨幹人物係兩位女仔,有時外加叔叔,有時無,一時係中間一時痴埋第3隊
第三隊:on9無倫隊.里班人既骨幹係天才洞西年年有蛇柏康等,里班友痴線的,一路上山唔休息,愈行愈快無限氣咁,仲時不時跑住上山
咁行到一半既時候,第一隊同第二隊已經分開好遠,更加唔洗講同第三隊
咁叔叔就係第二隊同第三隊之間走黎走去,主要睇下第三隊會唔會忽然放慢腳步
咁有陣時痴埋第三隊,忽然收到電話,話老師叫我地停低,我地好乖咁停
時後先知係比人玩
就唔理啦,繼續上
之後又有一段樓梯路段
on9的,叔叔行十幾級就要停幾分鍾
偶然聽到上面傳來第三隊班on9仔既聲音
之後我同區峻豪就一齊正式加入第二隊
之後坐左係梯度,因為無位比我地坐
之後忽然見到一個男人上緊黎,唔知係咪同病相憐,好自然咁叫佢:加油呀!努力!
之後條友一路喘氣一路上黎,說: i am a koreian(係咪咁串)
哦,之後同佢吹左幾句水,佢就行,我地就坐多陣先行
之後行呀行,行呀行,唔知幾時跟返上第三隊,但係好快又比佢佢放甩
之後又唔知幾時sunny哥追左上黎
咁一路keep住咁,行十幾步休息一陣
之後忽然聽到sunny哥既聲音:快d啦,到啦到啦
就不期然生出一股力氣,衝左上山
果然,到左..................獅子尾啦!
之後係上面慢慢hea,係度等,等第一隊上黎
到左之後發現左個韓國人,同佢吹左幾句水,佢又繼續行lu
之後大家係果度映相,玩鐵達尼,就向住獅頭進發
林老師:小心d呀,里度死過人架
都要行架,小心d就無事
好快,又到左獅頭,不過上唔到去
之後就向住望夫石進發
落山既路段爽好多!
一路上同林老師傾金庸,好開心
之後到左望fu石之後,班友又痴痴地線地玩命
都唔理啦,反正唔會死(好似係)
之後一路落山落山落山,好好玩,好舒服
一路上好難得咁見到二靈班守望相助既精神(我認平時無)
例如連余柏康都會講:小心d呀,里度,行里舊石....etc
好開心!
落到山之後係一個bbq場度休息
坐左係度,我吹起口哨,開頭吹making love out of nothing at all,之後吹i can wait forever,隔黎既羅老師唱起上黎
又玩左一陣無聊game(我覺得)
之後就向住大圍進發
去到果度就忽然興起飲茶
食左好多野
中間既野唔講,里次好似打得太多
之後就返屋企lu!
咁就完左,好想有下一次既班會行山
|
