今日好早起身去飲茶

飲完就返學

入到學校向上望一望已經見到兩個烚熟狗頭突左出黎

很好,上堂既課室已經轉返去二樓

但是我仲係戇鳩鳩咁行左上去六樓

其實都鳩唔晒,我都係上返去拎返尋日留底左果把遮姐

之後數學,好很難,飛

好彩放學之後無落雨

跟住anson佬,馬嬲就去培源佬屋企

我:里度去係屋企幾耐到

佢:十五分鍾啦!

結果行左二十分鍾有多,我諗

先到佢樓下

上到佢屋企,本來跟住來話要入去視察下有冇香蕉食環境如何既馬嬲始終都無入到去

唔知係咪怕佢呀妹呢

拎完就走,揹住,都幾撚痛下

咁由於本人係一個路痴,望住回程既路不禁有d心寒

正當我打算用新鮮香蕉利誘馬嬲護送我離開之際,佢已經好敏捷咁隱沒於重重大樓之中

喝都喝唔住

所以話,

路,始終都係要自己行

結他,始終都係要自己揹

香蕉,始終都係要自己食

經一事,長一智,我以後會帶個捕獸器係身

同黎既時候唔同,返去既時候熱到hihi

行左成廿分鍾先成功走出彩明既地盤

返到屋企,緊係急不及待咁幫個結他寬衣解帶

望住退去黑色重裝甲既始他滑溜溜既裸體

我隻手就不自覺咁伸埋去撫摸佢

好滑........忍唔住係屋企唱左出黎:

滑滑呀脫脫似豬膏咁滑,牛油忌廉無咁滑,

前戲過後,當然就埋身肉搏

咁我都唔憐香惜玉,一手抽起佢另一隻手就掃落去

然後自己嘗試下搵X點音

但係發覺唔成功

算鳩數吧啦,都係等遲D買本自學書先算