今朝大約四五點起身吧

之後再訓過- -+

訓下醒下咁去到7點半

被老媽叫起身

係時候啦都

等車期間

有一個人都係去面試

都係去景嶺

唔覺意描到佢一下

換來一對充滿惡意的眼神(逃)

到達後

心諗:應該都無乜同學吧

豈知一轉頭就發現可愛的小花花,,,,,,,,,,,,囧

我,,,,,我,,,,,我死都唔讀景嶺就係咁解

分成6組

上到去入課室

排排坐

個老c話:

好啦,我知大家用左好多時間準備(對,滿多的,足足半小時),不過由於人太多(倒不見得啊),所以我地一次過見晒(懶就懶)

你地當同朋友傾計得架啦(唔介意我爆粗?),好喇,不如你地講下你地最尊敬邊個,可以係朋友家人歷史人物,鄭xx同學,不如你講先呀

.

..

...

....

玩野..........?-_-連諗既時間都無,第一個就叫我

腦筋急轉彎,係眾多人既注視下,3秒內即up左我國國父出黎

但由於係毫無準備之下講出黎(2秒啊),所以基本上對答方面不太好

我後面班死粉皮有咁多時間諗(我做了開荒牛.....吽~~~~~)

點知全部都係講老竇老母呀爺呀婆外公外婆

仲有個女仔喊

都唔知堅定流(話佢最尊敬佢呀婆,佢呀婆又死左,之後就喊,個老c見佢喊就連點解尊敬佢都唔問就miss左佢,好樣的,係咪駁同情)

由e一刻開始我就覺得我面試is not ok

之後個老c又問:你地有睇新聞啦都,近排除左雪災同偽人不雅照片之外,仲有咩值得我地關注呢,不如同我地分享下,諗到舉手呀(好彩

你唔係又叫我答先,唔係我一定嘔血)

我格黎條友諗左一陣就答美國大選

老c問佢支持邊個

佢話奧巴馬,(老c:點解?)佢:因為我睇過佢d政綱,覺得幾好(老c:咁有咩政綱你係支持呢?佢:...........(大約6,7秒)嗯.........唔記得左..

哈(我心內笑了出來)

佢講完我即舉手

點都唔好輸蝕嘛

答埋之後就放我地走

呼...........................

總覺得死定

不過死了也好

我唔想讀景嶺

搭車經過小時候住的臨屋區

爺爺回來了