太好喇，苦等左咁耐終於落雨，真係成個人都好舒服呀！

個人比較鍾意落雨同陰天，對香港既睛天好抗拒

你諗下，日日都睛天

日日都３０幾度

你唔方唔爽

相比之下，落雨就涼又舒服

雨天真係好得多

－－－－－－－－－－－－－－－－－－－

好憎ｄ成日講廢話既人

上堂果陣時係度講廢話，又以為自己講既野好好笑

懶係搞ｇａｇ咁，但係其實講既野係廢既

真係阻住晒大家既時間

我諗如果班上無左ｄ專講廢到無論既廢話既人，一定會好好多

－－－－－－－－－－－－－－－－－－－

食完飯，又到可怕既週會時間

密集式轟炸．．．．．．．．．

ｒｅ乜ｒｅ乜上年講過晒

今年又講你當我地有失憶咩

訓話，的確會令人訓教

聽人訓話係一件好高難度既事

佢講ｄ令你想訓教既說話既同時又唔比你訓

都唔知係咪有心練我地耐力

頂左咁耐終於結束，ｇｄ！

－－－－－－－－－－－－－－－－－－－

住我格黎果位姐姐仔真係好ｑ煩

成日係度爆晒粗鬧佢呀婆

跟住又鬧佢一個１，２歲既妹妹

大姐，人地ｂｂ黎架

佢一喊就比個肥婆鬧

叫佢收嗲喎

膠的，你覺得個ｂｂ會識聽？

你咁大聲佢喊得仲勁

條友遲早變飛女

遲ｄ可能會發生ｄ家庭倫常斬案

－－－－－－－－－－－－－－－－－－－

經過我既龜速睇書速度,終於睇完本笑傲江湖第一集了~不賴

還記得以前係唔睇金庸既書,但係有一次呀哥借左本碧血劍返黎,係度叫我睇,又話點好睇點好勁咁,當然係當時我無睇

幾日之後拎左本碧血劍黎睇,開頭覺得好悶,所以一翻就翻到去本書既中段開始睇

一睇之下覺得十分好睇,就日睇夜睇咁睇晒佢,仲煩我呀哥叫佢借第2集返黎

就係咁開始睇金庸既書,之後佢借返黎既連同埋俠我都無睇到,

跟住開始睇天龍8部,倚天,射鵰同神鵰,果段時期簡直可以講係:一訓醒就睇,食完飯又撲埋去睇

次次睇完一本就覺得果本係好睇過之前果d,但係一有新書係手就覺得e本又好過之前果本

ed係咪貪新忘舊?

應該只係舊不如新

比較鍾意睇長遍既小說,好似俠客行ed得一集既我唔鍾意睇

e個又係咩心態?

人就係咁怪

訓訓下教,無啦啦整跌左d野,成個人嚇醒左......

睇下個鍾,原來先5點幾

當時風勢正大,爽到.........

好,擺返好樣野,之後繼續訓....ＺZzｚ．．．．．．．．．

終於起左身，今日要課外活動，馬上換３．．．

換換下３肚痛．．．．．．．．

去洗手間解決佢．．．．．．．

返學去

去到學校門口見到冼老師，問我係咪劍橋英語，緊係唔係，吾是二胡的

上堂果時大部分時間係度玩，得２０分鐘到係上堂，多得ｄ新血

頂完１個鍾，終於放學

見到陳x鋒（個鋒字係咪ｅ個？），買左包野飲

同佢一齊返去

途中不停講自己鄉下同佢鄉下

返到去，呀哥果然用緊電腦，只好睇住書先．．．．．

飛雪連天射白鹿；笑書神俠倚碧鴛

以上係金庸既書，白色既係睇過，紅色姐係未睇

去左呀女麻果邊，食ｍ記同打ｐｓ２．．．．．．．．

講左好多關於以前係鄉下既野．．．．．．

唔鍾意打ｗｉｎｎｉｎｇ，返左屋企．．．．．

總知成日就係悶悶悶∼∼∼∼∼∼

不出本29所料,體育堂果然又係跑,跑跑跑,真係好難頂,以前最鍾意就係上體育,e家就好抗拒上體育,啊~~~~~~

諗緊如果成年係咁跑,會有咩結果?

以下係本29既推測:

1.如常地過一年

2.係一年之間有人忍唔住退學

3.有人跑到暈低......

4.再次有人跑到暈低,陳sir比人以:教學方式太可怕而停職

5.某人會發癲

6.某牛會發癲

7.大家忍受唔住,每星期三同五就有大部分人無返

8.係某日既報紙頭條上:35名學生疑因上體育課太辛苦,感到人生苦無樂趣,集體燒炭.......

9.係某日既報紙頭條上:疑因老師教學方式太可怕,於街上被學生襲擊.......

以上只係本29既推測...............唔好係學校都同老c告狀plz.......

課外活動,都估到......

中樂團得返小雞14隻,d 6年級走晒,無晒人,d新血又唔努力,唉,睇黎我地班6年級走埋之後,中樂團可能要88

真係唔敢想像下一年我地學校會點

吼,好想換走個背景音樂同背景佢!!!!!!!最衰用唔到我自己心目中果個!!!!!!!!!!!!

真係惡頂,每次返放學都要望住成大埋類似紅虫既物體,死又有生又有真可怕

成地都係一躂躂既紅色粉末同埋好多條比人踩到爛晒既虫係度,有d仲流緊汁,見到都想嘔

有時行行下無啦啦聽到『拍』一聲,就代表你已經踩死左一隻又可能你踩到人地條屍..........

我仲見過有d比人踩到死死下又死唔去,個尾部爛晒但係又無斷到既虫,拖住佢條尾係度行......

上個星期仲勁......

返學果時見到地下有3堆野係度,好似ｄ菜加埋ｄ黑色野咁，果時返緊學無為意，放學去睇睇．．．哇．．．．

原來係蝸牛黎，你想唔想像到一隻有你手心咁大隻既蝸牛，比人活生生咁拆左佢個殼果個樣？

真係好核突．．．．．．．

真係唔明邊個可以咁殘忍囉．．．．．．

今日有體育,原來以為有野玩/做體適能,點知係黎就跑,開頭都尚算ok,去到後期簡直攞你命,慢d又比人鬧,想快d又無力......真陰功

上到課室之後，聽陳ｓｉｒ既說話，睇黎下幾堂都會勁跑，ｏｍｇ，睇黎下次ｐｅ我要炸病

食完飯，上返黎，簡直晴天霹靂！成大埋補充擺係課室，今次玩完ｌｕ，自此一定多災多難，永無寧日，慘不忍睹．．．．

（下刪一萬字．．．．．）

掛住收野收到無時間做功課，返到屋企之後緊係勁做，用左半個鍾，終於ｋｏ哂∼

無野寫啦－　－好少？唔倨嗎？自己開個ｘｇ囉

ｈｉ∼ｅ個係本人第一個日誌，希望大家多多捧場∼

可惜個背景同背景音樂都唔可以用我理想果首∼．∼

今日返到學校，同平時一樣係度坐∼

食完飯幫ｍｉｓｓ　ｃｈａｎ拎溥，撞著班搞事既，上到去先知原來拎錯左，ｏｍｇ，點算好，好彩ｍｉｓｓ　ｃｈａｎ上返黎拎走佢姐，呵呵，好似有ｄ對唔住ｍｉｓｓ　ｃｈａｎ咁

今日都無乜野好講∼．∼希望聽日有多ｄ野可以同大家分享下吧！