琴日 可以話係正式上課既最後一日喇
本身帶住成包TEMPO 係身
諗住可以喊餐飽..
但係發覺自己 每個位都喊唔出
江SIR唱歌o個時啦,袁SIR走埋黎整下我咁
MISS LAU既說話等等 一諗起唔知仲有幾多機會
就心UPUP咁了..

以前既我可能已經喊到乜頭咁..
經歷既野多左 人都算堅強左喇
有d事係以為o係中學生涯唔會發生既
亦都發生左 依加諗起當係買個教訓啦
諗返起Miss Lau放學o個時同我地講o個番話
再諗返起阿公 屋企比格離屋d人爆格單野
朋友阿  係你認識新朋友既時候一定要做好心理準備阿..
唔好咁易相信人..

唔經唔覺 已經係呂祥光留左6年
中一o個年 記得係謝sir同關sir做班主任
謝sir係咁話我似劉青雲=.=
呢年識左好多人...
個個都好nice咁 不過自己o個時仲kai下kai下..
說話唔講多句
仲係度日日bo online game唗錢咁..
不過都有d好既回億既
記得o個年同周丁入左足球隊
第一次落草地踢波 ...
仲有既就係個個小息同程yu豪落去打table tennis喇

中2就到曾寶玲答吳慶年做班主任..
冇記錯..關sir就係o係呢年離開呢間學校
其實..真係好唔捨得佢  好想佢繼續教科學
佢教得好好....
呢年做班長嫁我..冇記錯係
但係個吳慶年唔知咩事
我冇返學冇點到名都話9我=.=...
跟住班入邊d人又作對阿咁... 總言之
呢年真係好煩...

中3o個年係謝sir同miss lau做班主任
仲記得呢年Miss Lau係教我地地理同中文
第一個對佢既第一個印象就係"嚴"
d暑假作業話做少左題都要打返轉頭 -v-..
呢年開始講多左野...不過都係kai下kai下咁...
足球繼續踢 table tennis繼續打
仲記得呢年我有成16x cm
得53kg= ='''' 自己諗返都覺得自己好fit xD
最記得呢年英文係張聿健教
呢年d生字勁掂-  -''' 因為有個補習教...
一日背十5個英文字解釋同點讀...
佢問親我中3課書既字我都差唔多識解哂A__A

中4就簡左文科啦...
兩個理由唔讀理
係因為怕英文同埋知道自己唔會比心機背野
第一個考試全班33名...超記得...
跟住想追返咁 又冇補習最尾追唔到..39.71平均分要留班..
不過呢年識到好多好朋友
就係咁...跟住同梁友見方副校
求下情咁 最尾補考失敗...知道要留班
個日返到學落哂大雨咁 亦係最down既時候...

直到中4..應該係中4,5先岩
識到好多人,,仲有多左個阿妹
同大家亦經歷過好多事 ..
有笑有淚...有相聚總要有別離 ...
兩年既..陸運會 音樂日
班會活動等等... 無錯
依加發覺大家係埋一齊
就算比人串幾句 就算冇乜野傾
坐埋一齊都係最開心既...
發覺 同好多人既回億都係o係青山灣o個邊
一齊掟撙 一齊講心事
什至生日都會去o個度吹水
我係唔會忘記架!!!
但係大家唔好忘記考會考完既第三日係咩日子阿A__A

好多人想多謝...
但係今日好似又打得太長咁喇-w-

一天一天的我在期待放學
一轉眼卻要各別校園....
憧憬 終要告吹,,