係冇寫期間，有勁多ｋａｉ事發生呀！
首先我數學老師整親條腰，
請左近３個禮拜假＞到而家仲未番，
有成４個（計埋佢）老師來教，
真係勁頂唔順呀！
第二，我班主任由星期一請假請到琴日，
咁學校就請左個代課來啦，佢真係ｋａｉ到你阿媽都唔認得，
我地成班都反佢，或者我舉Ｄ例子啦！
佢認為你做錯野但係你冇，
你固然會解釋，佢唔比你解釋，
咁你會驚佢對你印象唔好，
當然要再為自己辯護啦，
跟住佢居然同我個friend講：
得啦。你唔需要再攪辯啦！
之後個個ｏ左，咩攪辯喎！
佢記得我個朋友係一號啦。
咁當我朋友想出去交回條個陣＞其實已經全班交曬，
個老師就話：
阿１號，唔該你快Ｄ啦，頭先收個陣你又掛住睇書，
你而家先交出來，你幾多號呀？
跟住我個friend就串佢：
阿老師呀，你叫得我做一號，我梗係一號啦！
最好笑就係佢Ｄ英文讀音唔正。
佢將Who wants to read paragraph two?問成
Who wants to read palagraph two?
然後我前面個位擦鞋仔都睇佢唔過眼，
就決定玩佢＞佢先舉手話要讀''palagraph two''
跟住就將boring讀成bowling，
將bowling讀成boring，
點知個老師話佢讀錯曬Ｄ音，
仲逐一糾正佢。
我地心臨：好心你攪掂自己Ｄ讀音先啦！
好彩我班主任今日好番咋，
如果唔係•••我會咋病唔番囉！！＞壞學生表現
第三，我琴日派左默評啦，
我１００分，終於四次默書１００，
而家差考試個次，希望都得啦！
最後，我今日學校English Fun Day，
順手慶祝埋Halloween，
咁我就著左西方舞套衫番去啦，
我叫我班Ｄ人唔好揀我去Fashion Show，
佢地有聽呀，冇選我上去，
但係Ｄ老師係都要揀我上去行Capwalk，
真係慘•••
|
