其實有時做人都幾難

拍拖唔計 , 我冇咩經驗

雖則我都可以吹到幾百頁~

講下人人都會有既朋友

當朋友淨係有事先搵你 , 你又唔開心wo

但係當朋友淨係搵你玩 , 你又會唔開心wo

淨係朋友呢個問題都可以吹到幾百頁

之後又話搵野做....

唉... 邊有可能好似睇電視咁正

根本公司就係人類黑暗面最開放既地方

又係可以吹到幾百頁

你平凡既時候 , 外間會迫你唔準平凡

到你真係唔平凡 , 外間又會令你好難受

真係神又你地 , 鬼又係你地囉

有時真係覺得活係自己既世界既人都好利害同好有勇氣

無錯... 妓女好有勇氣 , 邊青好有勇氣

只不過佢地將d勇氣用左係社會唔接受既地方

我就冇呢個勇氣去追求自己既野

所以今日既我依然係非常俗~

我只係想搵到兩餐 , 成家立室 , 之後等退休ja~

我真係唔識咩叫偉大同理想呀~

「咦!! 原來呢d唔係有錢人申請左專利權ga?」

咁窮有窮既理想je

非洲兒童畢生既理想就係要買對波鞋 , 邊個敢串佢

話想平凡 , 肯定又俾人話冇大志

話想有大志 , 又俾人話要量力而為唔好自負

真係仲慘過俾人屈機

任何野平衡最重要 , 太極端唔得ga~

可以定d「量力而為」到既「大志」麻

「「我只係想搵到兩餐 , 成家立室 , 之後等退休ja~」」

人生太多美好既野要追求 , 我追求唔晒

人生太多唔應該做既野 , 我遵守唔晒

人生太多值得關注既野 , 但我關注唔晒

人生亦太多要誇過既難關 , 但我亦誇唔晒

做凡人唔緊要 , 唔好做一個凡人中既煩人就ok~

凡人一名!!