鍾意打機有咩問題?

有人抽晒d時間去打波.. 畫畫... 之類

會俾人覺得好有型.. 好有成就.. 好勁

有人抽晒d時間去讀書...

會俾人覺得好乖...

咁抽時間去打機既人呢?

換黎既只係比人話晒錢 ... 電車男... 毒男... 晒時間... 學壞

呢d係咩道理...

我真係唔知做咩唔洗錢囉... 相比之下... 打機已經唔算貴

幾千蚊買部相機就叫抵? 我花幾蚊打幾個鍾頭機就叫晒錢?

千幾蚊就對鞋 , 幾百蚊買條褲 , 買件衫又叫抵?我花幾蚊娛樂自己又叫晒錢?

嘿嘿... 咩道理 

時間... 你晒時間打波就叫充實? 晒時間打機就叫頹廢?

學壞.... 打機既人就會呃呃騙騙? 學畫畫既人就唔會犯法?

我真係唔明點解咁多人對打機咁反感...

打機不過係興趣之一... 同畫畫 , 打波 , 行街shopping根本冇分別

機鋪亦不見得有咩問題 ,

你硬要搵一兩間做特別例子都冇計.... 不過要諗下係咪全世界都冇又禁煙 , 又光猛 , 又正經既機鋪先?

球場d人友善d? 督波既波欖又個個都好人?

其實撫心自問... 不過係有某d人不能認同和欣賞其他人的興趣

永遠都係終於自己識既野... 唔去開拓自己既眼光

正正係而家d人既一大問題...

不難聽到唔打機既人對成日去機鋪既人有何等大既批評 , 什至偏見

不過... 我自己就從來未聽過... 一班機友會狠評唔打機既人

點解? 唔知呀... 可能打機既人特別樣衰溝唔到女掛... 嘿