覺唔覺日常生活中，經常(十次有七八次)有呢D小混賬事？ 1.排隊：排緊A隊，見隔離B隊少人，走過去，點知一走，A隊即刻絕絕聲，B隊就慢吞吞，前面個個攪一大餐，最後原本A隊排自己後面既都攪掂走晒，自己仲o係B隊排緊 2.排隊：前面個個攪一大餐，排到自己，就兩野攪掂，尤以睇醫生最常見，佢老味之前個個入去成十分鐘起碼，自己就五分鐘唔夠就被叫出去等拎藥 3.排隊：幾條隊排唔同服務，無論自己要乜野服務，自己要排既隊一定係最長，例如今日去銀行禁錢、就提款機多人到hihi，打簿機冇人，聽日去打簿，就打簿機排晒長龍，提款機冇人 4.排隊：去到見排晒長龍、冇計，焗排，終於排到自己，攪掂走人，會見到冇人新黎排，如果自己黎個時間入黎的話，就唔使排 5.排隊：銀行、提款機、郵局、港鐵客務中心、戲院售票處、七仔.......總之任何櫃位服務既地方，自己唔需要用時行過，就鬼影冇隻，自己有需要用時，就排晒長龍(以前再加一樣的士站) 6.搭車：無論等咩車，巴士小巴電車港鐵渡輪，一定係唔係自己等既先黎，例如今日去巴士站等1線，就2345線黎晒先到1，聽日去等5線，就1234線黎晒先有5線，等港鐵又係鑊鑊對面月台有車黎先，去尖咀等天星去中環，佢就灣仔黎先，等中環佢就灣仔黎先........ 7.搭車(港鐵)：去到月台見有車開左門，佢老味就即刻閂門兼即走，上唔到，等到下一架黎，呢架就上落完晒客，仲死開著門唔知等乜，有時等到佢閂左門，又彈返開，開關車門幾次至開得車 8.搭車(港鐵)：月台上既「仲有幾多分鐘有車」顯示，3>2>1都仲算正常，唯獨到左1就一定特別漫長，尤其係東鐵尖東方向/馬鐵大圍方向(我有對個錶，由佢2>1開始，你預起碼兩分半鐘至有得上車) 9.搭車(通常巴士、的士都有可能，港鐵應該唔會)：等車等到火滾，把幾火唔等走人，一走，佢就黎幾架。 10.天氣：朝早7-8，主流返工返學時間就黎落雨，係剛剛好要淋到你焗著o係公司/學校up足成日，過左9am就停雨 11.天氣：聖誕、冬至、兩個新年呢D要凍至有feel既日子，佢就走黎「溫暖冬至/聖誕/新年」，前前後後要倒屎咁早兀起身返工返學既日子，就走黎「受強烈冬季季候風影嚮，本港氣溫急跌...」(係呢個聖誕新年好少少) 12.購物：想買一件野(電子科技野、樓、股票.......)，唸著佢遲D會跌價，唔買著，佢就唔跌，甚至日日創新高價，一買左，佢就即跌