有人同我講愛情小說 , 師奶劇 , 無聊電影

會令人有好多無謂既幻想 , 最好唔好睇咁多wo

不過要我唔睇 , 真係不如攞我命

因為每睇一套劇 , 一本書 , 一部電影

我都會學到唔少野....

太多野我都唔可以親身經歷 , 有時要透過呢d方法黎去感受

就算有幻想 , 都只會係美好既幻想 , 哈哈

我要睇多d呢d野 , 先可以係我平淡似水既人生之中 ,

感受有一點點情趣

今日係公司無意間睇到三分親

突然間好想有兄弟相伴左右

「兄弟」只係俗稱... 個個既定義唔同

我既個人定義係:

「兄弟」係指同你有特殊關係 , 有愛但沒有愛情的人

所以 , 「兄弟」不一定是男性

「弟兄」亦不同「兄弟」

所有男基督徒都係我既「弟兄」,但不是「兄弟」

「兄弟」亦不一定是基督徒

「兄弟」亦不同於好朋友

我有好多陪我一齊成長 , 陪我一齊玩 , 識左好耐既好朋友

但唔係「兄弟」...

「兄弟」對我黎講係一種好講緣份同埋時機既野

同女朋友一樣

最怕係d完全不知名既人士

無啦啦走過黎關心我

出發點就算係好 , 冇咩野

唔代表我就會接受你既關心

我都有自己鍾意既人

如果我鍾意既人關心我..bonus

但係三唔識七既人關心我..只會係一種困擾

對話: 宇仔 , 雞仔 

觀眾: 榮仔

宇仔:我識左個dream girl呀,點算好?

雞仔:去馬啦,冇問題呀

宇仔:不過我好驚失敗wo

雞仔:你都慣ga啦

宇仔:失敗左我唔知點算

雞仔:你咪當識多個朋友囉

榮仔: ..............

日子在旋轉木馬  在腦海轉不停

就像來不及的許願流星雨

再怎麼美麗也只是曾經 =]

其實好多野...成日我地會覺得經唔起時間既考驗

但係我想講

如果一個人係真心去鍾意一樣野

就算每日只係重復又重復做同一樣野

佢都會每日搵到唔同既樂趣

無錯...有時會覺得悶

但係從來唔會講放棄

呢樣先係真正既鍾意

係人地眼中既固執 , 有時就係自己既堅持