今日7點9同榮仔一齊返學,去到3文治檔買左個3文治,之後去士多買左2支大紅袍烏龍茶,好好飲...
之後返到學校岩岩好打鍾,就即刻去排隊,點知我個3文治比個牙sir收左,要小息先比返我- -"
之後到左小息,我落左去搵個牙sir,佢比返我之後叫我落去有蓋操場食,我睬佢都有味,我返左上去班房食^_^
之後又上左2堂中文堂就第2個小息,就班房玩,再上多2堂英文堂就放lunch!!
但係我冇錢- -",就陪家明,狗雄出去買飯,返到學校就問健康借左7蚊買杯麵食...都好,定明比左件炸魚同火腿比我a_a
之後嗰3堂去左禮堂參加個咩嘢問答比賽,無聊到極點...唉!!!!!!!!!!!!!
放學就係2樓等榮仔,因為佢要搵牙sir,就係間房門口等,一等就等左半個幾鍾- -"
之後5點幾終於走得,就行返屋企,點知行到元朗廣場先醒起今日唔記得帶鎖匙,就去馬田村嗰邊搵我媽咪,因為佢係嗰頭返工!!
攞到黎都差唔多6點,就同榮仔行返朗屏,之後行左去榮仔樓下附近就坐低傾計,傾到差唔多7點就返屋企...
今日係學校同家豪玩,事實係我比佢操拳,雖然係痛都唔痛,但係返到屋企就見到魚左...(._.)"
|
