| «‹ July 2026 ›» | | S | M | T | W | T | F | S | | | | 1 | 2 | 3 | 4 | | 5 | 6 | 7 | 8 | 9 | 10 | 11 | | 12 | 13 | 14 | 15 | 16 | 17 | 18 | | 19 | 20 | 21 | 22 | 23 | 24 | 25 | | 26 | 27 | 28 | 29 | 30 | 31 | |
|
2009 年 4 月 28 日 星期二  |
| 2009-04-28 |
分類: 未分類 |
今朝晚左起身,成7點先起身,同唔到家樂返學...
之後刷牙洗面食早餐,搭7度就返學!
行到去成日買水嗰個牙姨度嗰陣見到牙卓同小波,點知佢地見唔到我-.-"
入到去學校個看更都問定我係咪4D班38號,因為我張學生證唔Q見左,朝朝都要記名!
個看更都對我熟哂,一入去就問-3-
打波嗰陣撞開哂D人再上籃,入左!第一次咁大力撞人,都幾爽下a_a
排隊嗰時miss文行過黎我身邊望黎望去,我就話D頭髮好短炸(其實過哂長度)唔洗捉啦...
之後miss話都廢事理我,冇捉到我A_A
第1,2堂都係中文堂,我係度聽歌同訓教,只係最尾先聽小小書- -"
過左小息嗰2堂都係旅遊堂,我就聽住歌,同家豪佢地傾下計就咁過...
英文堂最正,因為唔洗上堂,係度睇[盜墓迷城3],睇左好多次啦,睇到悶~.~
今日食飯好爽,因為又食腸粉再食黑豆腐花,但係個黑豆腐花太甜啦...
最尾3堂對我黎講有上等於冇上,2堂商業係度訓覺,數學堂就好快過左,唉......
唔講都冇人知我係學生-0-
放學同小麟,家明,家樂,恒仔一齊去跳舞,其間小麟仲因為玩得太癲所以正到條腰-3-
笑Q死!!!!!!!
|
| 2009 年 4 月 27 日 星期一 |
放學去唱k  |
分類: 未分類 |
今日雖然要返學,但係放12點8...
本身要上6堂,但係中文堂我唔聽書,英文堂就做左張工作紙就收工.
數學miss就冇返,所以可以話係上左1堂咁大把- -"
唔知個數學miss係咪死左呢!係嘅我一定會公喜佢a_a
放學嗰陣我同牙卓,家樂,伍拉琪,地產,奶榮一齊去唱k,小麟嗰d去左玩桌球...
唱k好悶,因為鄭仔同伍拉琪係咁唱醫神D歌,好多好多都係我地其他人唔識唱嘅- -"
點知豆釘,敏琪個D都係度唱,就係我地後幾間房,就同牙卓係咁過去,唱左隻[睡公主],仲開心過自己嗰邊...唉!!!
之後係廁所識左個靚仔,叫牙榮,之前做過髮廊,見我唔係幾識(蕉)頭就幫我...
點知同佢傾傾下知道佢識跳舞嘅,之前學校陸運會勤社跳嘅舞佢都有份教a_a
之後同佢交換左電話.就再去左豆釘嗰邊玩...
4點幾就散場,就去左朗屏卜場跳舞,仲叫埋牙榮黎,佢跳Hip-Hop架,仲好勁(a_a)
之後我地跳到7點準備走,小麟先黎...
係我叫佢黎嘅,我同佢講話跳到8點,點知我地冇錢卜落去,所以打比佢諗住叫佢唔洗黎,點知佢電話冇電- -"
佢黎左之後好無奈...唉,都係我間接水左小麟-.-!!!
之後佢都係返左屋企,我就去惠康幫我牙媽攞嘢返屋企...
小麟,對唔住牙!!!!!!!!! |
2009 年 4 月 26 日 星期日  |
長洲旅行日  |
分類: 未分類 |
今日要去長洲玩(其實去朝聖),所以7點就起左身...
打左電話比家明同家樂之後就換3同刷牙洗面,搭半家樂黎左,一齊出門搵家明..
係馬會等到家明之後健康同貓仔,小麟打比我,所以全部係千色等..
等左3個字左右貓仔,小麟到左,再過幾分鐘健康到黎埋,就一齊去M記食早餐.
係M記竟然比我見到皮鞋佬同小耀,佢地仲早過我地- -"
食完準備走個陣牙卓都黎埋,就一齊返學校集合
返到去見到有好多我班D人,最on鳩係比人拉左去影大合照.好彩我坐低左,影我唔到
之後上旅遊巴,搭左成個鍾車到左碼頭,再搭左成個鍾船先到長洲,搭到我膠膠地
終於到左啦,又要等,等D人去廁所,等左幾個字...
不嬲都話去親邊度都好,第一個參觀地點一定係廁所!唉.............
等齊人之後去左個咩咩聖堂,唔洗半個鍾就走得人.都唔知入去做咩-.-"
之後參觀警署,都幾大下!睇左D差佬上彈嘅地方同埋門口個部警車!唔講都唔知,全個長洲得個一部警車,仲要好細部...
警署之後就參觀醫院...一到左醫院就見到部細細部嘅救護車走左,都唔知走咁快做咩,搞到我影唔到相,正仆街!!!
下個參觀地方係北帝廟,途中仲見到D老人家係度穿緊搶包山用嘅包.
到左個北帝廟,見到3個包山架同埋2個用紙做到超大嘅人像,雖然得上半身,但係都有我咁高...
問左個牙sir先知左右2個係鬼王,中間嗰個係土地...
嗰2個鬼王比人放係度1個星期,之後會打爆嗰2個鬼王,搶佢地中間塊鏡同頭頂個觀音像,貪個意頭好...
之後會攞去燒哂佢!而打爆嗰2個鬼王嘅意思係鎮壓同收伏D鬼...
到左食飯時間啦,本身話同文sir食嘅,點知行行下唔見左人,所以就同家明,牙卓,小麟,貓仔,健康自己搵食-.-"
食嘢個度都幾低食,4餸1湯,白飯任你食!我地仲叫左一大支金威啤啤佢,好好玩!!!!
食食下聽到人地話有鬼屋,就問人地點去,嗰2個牙叔都幾好人,教我地點去...
食完之後就去搵鬼屋,點知..................
我地行到一墥樓樓下,見個樣好恐怖就入去睇,點知得我同貓仔入...
入面冇嘢嘅,應該係坊廢左嘅屋掛
之後週街行行下就行到一間好似屋嘅嘢,一入去就見到有人係度,仲問我地係唔係教友-.-"
嗰度係D教友會之類嘅地方...一出左黎就見到幾個牙婆,就問佢地長洲戲院點行...
經過牙婆嘅指點終於都到左,但係唔比入嘅,我只可以係門口影相同抻隻手入去影個售票署...
之後行返出碼頭,見到文sir,就話冇嘢嘅個長洲戲院,之後文sir話佢之前D學生話有個坊廢嘅醫院有嘢,就去左睇!
去到見到個門口,我行話去推開左...嚇死,有個牙叔係度睇報紙,之後我冇理佢,走左出黎...
個牙叔睇黎好唔順超,好想過兩招!走左出黎啤住我地,之後文sir話行錯路,佢先冇出黎...
行高D見到有個入口,文sir話我夠膽就開左對門比佢睇,我真係敢,只係開唔到咁解-3-"
係入口對面係好耐之前嘅殮房,我自己一個入左去,冇個夠膽入,唉..............
之後行返出去集合,搭船搭車返元朗,我仲買左4個平安包比我屋企人..
我自己就買左3個鎖匙扣...
返到去同小麟,家樂,伍拉琪去左牙旺度跳舞,我同小麟家樂又練windmill...
點知小麟無啦啦同家樂玩,係度打黎打去,小麟超勁....
佢嗰一拳打唔到家樂,反而打左落我度,仲要打正塊面,好(多謝)佢
之後跳跳下小麟又踢到我傷左嗰個位,比佢正左2擭- -"
好彩長得這麼帥的本大爺都唔輸蝕,過左無幾耐我玩緊龜轉嗰陣踢到小麟隻手!哇卡卡
之後陪小麟去大快活食飯,之後返屋企...
今日嘅相.........
長洲唯一嘅警車,仲要係超細部...↑
準備放上包山嘅包...↑
包山個架...↑
北帝廟...↑
3個紙板人像...↑
今日食嘅嘢,有一碟比人食哂-.-."..↑
好猛鬼嘅長洲戲院...↑
長洲戲院個售票署...↑
以前嘅餐廳...↑
長洲嘅漁船...↑
好難得係長洲見到潮州會館...↑
殮房個名...↑
殮房...↑
留CM牙,FD要留,遊客都要留,明愛人更加要留(._.)!!!!! |
| 2009 年 4 月 25 日 星期六 |
| 今日跳舞先黎落雨.... |
分類: 未分類 |
今日成12點先起身,煮左個麵食,之後企下坐下就到左2點,家樂就黎左...
打左2個幾鍾頭機之後地產都黎埋,再一齊去天水圍跳舞...
雖然今日落雨,但係都係去跳,去到天水圍就搵埋家明...
今日比小麟老點左-.-我問佢出唔出佢話睇下落唔落雨先...
點知停左雨好耐佢都係唔出...
跳左一陣又落返雨,但係好細!!!完來小麟係先知黎架,知道會落返雨所以唔出!!!(講笑)
我地就去左北江買嘢食,再去左銀座坐左陣,仲鋤左陣D...
鋤完D我又唱左陣歌,之後話去豐澤睇相機,經過M記諗住見唔見到到毛哥,點知真係見到,佢仲叫我地等埋勆一齊返元朗...
去到豐澤睇左陣相機就去左睇風筒.直髮夾,諗住走個陣時見到D音響又睇左陣,仲睇中左一套5.1(衰在冇錢)
所以兒加嘅目標除左係咩咩咩同埋準備天才表演,就係要搵暑期工買個套5.1同埋部單鏡
8點幾就去搵埋毛哥一齊返元朗,等輕鐵個陣毛哥串地產跳芭蕾舞~.~
咁又難怪嘅,地產打波個陣d過人動作真係幾似芭蕾舞嘅- -"
上左車冇幾耐就見到牙煙,諗住佢見我唔到嘅,點知都係比佢見到.....
落車之後陪家樂去百街買綠豆,再返屋企...
留cm牙記住(._.)! |
| 2009 年 4 月 24 日 星期五 |
| 2009-04-24 |
分類: 未分類 |
今朝返到學校就比蛇王兇左一兇,都係為左本yes,我即刻比左佢!
因為琴日我冇比佢所以比佢打左一嘢,好銀痛!!我驚比佢打多一嘢- -"
又係經過一大堆無聊堂之後到lunch,我同家樂又食日本嘢(杯麵)(!_!)
到左旅遊堂我最開心,因為唔洗上堂嘅,有上等於冇上
到左放學,小麟.恒仔同家明黎左我屋企等我換3,佢地係度玩我隻狗!!!
小麟仲玩到好開心咁款,比佢吹漲~.~"
之後係天台跳左一陣舞就去左牙旺個度...
我同小麟,家樂一齊練windmill,其他人多數係度坐!
我又要鎖腳,玩一字馬,搞到拉傷左條筋,痛到我死咁濟...
跳到7點幾8點幾就返屋企.....
全世界留cm牙...... |
| 2009 年 4 月 23 日 星期四 |
2009-04-23  |
分類: 未分類 |
今日朝早本身就自己返學嘅,點知家樂打比我問我係邊...
之後佢係馬會等我,我去度嚇左一跳,家明都係度a_a
之後一齊返學....
一返到去已經比豬姐串緊-3-真係唔死冇撚用,我唔夠佢串牙...
上左一大堆無聊堂之後就到食飯,我最醒神
食飯堂我係學校打籃球,熱到我on鳩鳩- -"
上到去就上多3堂就放學..
如果唔係牙媽要我讀到中5,我都廢事讀,讀書咁Q悶.唔岩我,
今日放學同返毛哥佢地打波,第一場都打得幾好嘅,仲成功過到牙滔,哇卡卡!!!!!!!!!!!!!1
但係打耐左就累到抽筋!唉.....
都唔知點解佢地打波咁火嘅..打打下就屌黎屌去.唔係話呢個撞到個個,就個個撞到呢個....
大佬牙!打波實會撞到架啦,打到咁火似咩樣,想打架咁款....
唔講都唔知佢地係fd牙!係fd就就下啦,個個好似毛哥同肥志咁咪幾好,咁大方a_a
唉.............
|
| 2009 年 4 月 22 日 星期三 |
覆診-3-  |
分類: 未分類 |
今日去覆診,朝早冇返學,係屋企打左陣機-3-
10點出門食早餐之後去上水覆診...
去到坐左半個鍾度到我入去,係入面見左4個字咁上下就要去攞藥.
本身諗住攞完藥就返屋企算,唔返學!但係冇啦啦好想見到佢,所以都係決定返學(._.)!
點知攞藥個度好Q多人牙,好彩牙媽係度,如果唔係有排我等,-.-"
我自己搭車返元朗先,返到去岩岩好12點8放lunch...就入學校搵埋家樂個D...
一入到去比我見到佢經過,好開心(._.)v
今日lunch食日本嘢.食日清杯麵 再飲左杯珍珠豆腐花,好好味a_a
上堂個陣睇電影[我的馬拉松],悶到抽筋.睇到我好想訓覺
放學同家樂,拉琪2個一齊去打壁球,跳舞.
之後都冇咩野做........
兒加只係想練好歌,準備上台...
仲有嘅係我諗住唔唱[死守]唱[臨別擁抱] |
| 2009 年 4 月 21 日 星期二 |
| 2009-04-21 |
分類: 未分類 |
今日都冇咩特別事....
最特別都可以話係下晝打波個陣,肥峰比我撞到死死下-.-"
佢就黎出界個陣諗住掟我,係就係中左,但係冇出界...
佢再接返都冇用,因為都係比我偷返個波(._.)v
打鍾個陣個波飛左去一條女度,我跑過去挑起左個波,先冇中佢
條女係家樂個班架,家樂話地產係佢地班通街唱我-.-!![好多謝佢]
仲有嘅係我有個新名.叫牛奶明
我覺得呢個名好核突,所以比我用英文改左叫M2,因為牛奶同[明]字嘅英文係m字頭
所以叫M2(._.)!
記住唔係牛奶明係M2...-3- |
| 2009 年 4 月 20 日 星期一 |
| 特別嘅一日-3- |
分類: 未分類 |
今朝返學就打波,好快就成身汗,問左家樂先知今日廿幾度,我挑-.-"
集會嘅時候比Miss捉我頭髮過長...
大佬!我D頭髮咁短都要捉,咩天理- -"
都唔明學校捉學生頭髮長做咩嘅,頭髮長又唔係讀唔到書嘅,膠膠地!!
今日最無奈都係文sir個堂,牙達個d係度講埋d做愛之類嘅嘢......
上中文堂仲好笑,同葉問佢地講肌肉-.-!
都唔知點解我d筋可以咁軟嘅,我自己都嚇左一跳...
搞到我今日都膠膠地- -
唔知學校比唔比我報哂2個表演呢.....
今日同牙榮行返屋企,發現自己同佢都幾好傾,識左6-7年係唔同d
記得要留CM牙咁多位(._.)! |
| 2009 年 4 月 19 日 星期日 |
自作自受  |
分類: 未分類 |
今朝起身同老豆出去飲茶,叫左2個排骨飯同1個牛肉球,竟然要54蚊,好撚貴牙- -
返到屋企又係打機(差唔多日日都係咁),好悶...
星期5個日同條女散左,就係因為我鍾意左第2個....
個日我牙哥話我好仆街,有女朋友仲鍾意第2個...
講真個句我都覺自己好仆街...
TO.牙慧:係度同你講返句...對唔住!係我衰,唔係你有咩唔好,對唔住!!
頭先諗起兒加鍾意嘅人,一諗起佢到兒加都冇理過我,我又喊左出黎
都係個句,點解我個日會咁衝動,同佢講左!
如果我個日冇講嘅,就唔會咁啦....
頭先隻手好痛,走左出去睇醫生,
挑那星,個醫生話我之前斷手個陣時D手尾味清,叫我唔好做太多大動作嘅運動,包括跳舞!
搞到我勁唔開心...
我兒加擔心緊黎緊個天才表演點上台
希望快D好返啦!!!!
|
« | 5 | 6 | 7 | 8 | 9 | 10 | 11 | 12 | 13 | 14 | »
|
