今日係S.5 LAST DAY，可以話同我有關，又可以話無關....都係得閒無野做，揾左D人去影下相咁囉，揾左唔記得邊D人囉。不過影左唔係好多，哈哈哈~
　　今日上堂，胃痛了，早退左，去左睇中藥，苦...........LUNCH又番左去，又唔駛上P.E堂，又坐左２堂，同鄒葦咩都講，今日好大風，吹得我好凍....放左學，上左405，有咩基軍MEETING，潘SIR買左D新野過我地睇，之後又講左D野，講講講...講到1720左右啦，落到去，唔見小晶，去左問牙爽仲有無人留係到，點知真係一個都無....唔駛也-V-"之後等小晶，見到牙KIT，影左相，好頭痛，又胃痛，唉....都唔知影都點囉。之後小晶到左，坐左陣，諗住揾張西同西銘，點知唔見人....駛唔駛閃得咁快?!揾左好多次都揾唔到，算啦.........佢２個唔理佢啦，影唔影都巴.....[好似好衰人添>V<]
　　揾到我1740到啦，同小晶走人囉。去左補習，咩都無做，作左文都1900啦，仲做咩?做到幾點也?!之後番屋企，差D俾車車到也，過馬路都唔睇車，一直係咁行，好彩有個人拉左我番去，佢拉完我又行左去囉[<<我講真架]
　　番到屋企，唔知做咩仲"咩"住個袋周圍行，到我番房換衫先放底佢，我又唔知做咩黎，又呆了嗎??之後個胃好痛，個人又好攰，橫屍街頭似的，岩岩訓著，媽媽就打我手提，又嘈我啦....."命中已注定　是我看不清......"  吼!!!!!!真係好想唔聽架，不過佢你我媽媽...無計-V-"