琴日麥兜生日,叫左都幾好多人出黎玩

2點幾出左荃灣green box唱k,好玩到爆燈

green box d野飲任飲,我同野獸feel到好凍,出去拎d熱野飲

我地係咁試晒所有野飲咁濟,有d飲左一啖覺得好難飲都冇飲晒就掉左,覺得好晒野hehe

走個陣有支香賓,班男仔都痴線,係咁混合左好多唔同既野,想痾死人咩!!

d男仔真係樣,輸得最多都係佢地,我臨尾先輸左一次飲左杯溝左好多花奶既香賓,想冇糖尿病都幾難= ="

我地玩到成間房都好亂,唔想比人加清潔費,是但執得整整齊齊就算. . .

唱完k之後,個個想去既地方都唔同,女仔又話去影貼紙相,男仔又話想去打機

講講下又嘈起黎,咁又何必呢?!跟著去左新之城(因為能夠滿足佢地想做既野)

最後有d男仔去左打機,女仔都冇影貼紙,走左去行街- -"

7點幾行左去搵到方食飯,去左唔知邊到茶樓打邊爐,等到差唔多9點先有位,餓死人. . .

叫左好多野食牙,每一樣野食有5碟以上,變態的. . .

又飲左好多酒牙,我諗住飲少少就夠,點知班男仔又唔肯放過我,返到去長發又飲,今日係飲得最多既一日

返到屋企好暈牙,撻左落張床訓左,到左今日起伸好鬼想嘔