我咪講過我覺得我人緣好左！其實我淨係指佢地問我借功課同同我講野既態度，而且感覺熟左。另一方面，又好似冇咩人理會過我同我既感受咁！好似豬屎佢，好似對我可有可無，咁樣唔係朋友呀，有野咩，咪揾我攞，唔關我事，咁洗開我或者講下大話。雖然人人都會講下大話，但係出於善意與否，ｈｕｒｔ唔ｈｕｒｔ到人係一個問題，依家咩叫重色輕友，我都有少少明喇－－〝友〞可來有．．好笑。到依家我都唔係好明白自己點解會咁蠢，成日幫ｄ會ｈｕｒｔ到自己同玩我、笑我既人，唔通我要用幫佢地而令佢地施捨返ｄ朋友既感覺同關心比我咩，我都想唔係咁，但係真係呀．我覺得我自己唔係自己，係一部幫人做野既奴隸、機器，唔會得到可憐同珍惜，我真好想好似電視ｄ人咁唔開心就可以離開下，有人陪咁去散下心、發洩下。但係我而家只係係我既日記到打下字，冇人會理，冇人會知，知左都唔會關心喇．我有時好想同ｄ人傾下，講下嫁，不過個ｄ人都唔ｏｎｌｉｎｅ有鬼用咩，就算我找到人同我講下，佢地都係初初同你ｓａｙ ｈｉ之後一係冇人應，一係ｏｆｆ左ｌｉｎｅ，一係ｆｅｅｌ到佢冇心同你傾，唉！講下講下．我諗到我上年１５歲生日，我估唔到連同我覺得最ｆｒｉｅｎｄ既豬屎，都講左句『呀！係和，生日快樂』比我感覺到佢冇果種心意（我唔識講）或者可以話本身佢係唔記得掛。同埋個日係我咁多年生日以來，最唔開心既一年呵．有少少覺得豬屎已經唔係我朋友咁．佢唔值得我再去信任佢所講既野，係任何野．算喇，成日都比人睇死嫁喇，我唔再講落去喇，再講我又會喊嫁喇！
|
