近幾日都忙得厲害，

好唔容易先至抽到時間上BLOG添，

幾日冇打真係唔好意思！

上星期日去左Disneyland玩，

其實講真，

遊戲就無咩特別，

但係真係由衷咁話比大家聽，

如果你細細個好鍾意睇白雪公主呀、米奇老鼠咁，

去到個度你一定唔會失望，

因為華特迪士尼可以將佢塑造得好神奇好特別，

到左夜晚，城堡同埋其他一切簡直可以話係同故事裡面冇分別。

得閒又有錢，

咪抽時間入去玩下，

至少你唔會勁唔開心咁返黎！

好唔容易先睇到電車男，

估唔到真係好感動，

好後悔冇去影院睇！

可能係之前『大夫』ｏ既影響，

唔知點解我睇到最後都喊左出黎，

真係不得不相信緣份呢家野，

因為無論係男女之間，

每個人ｏ既相遇都係有著微妙ｏ既關係！

唔知大夫同女班長而家又點呢？

＾＿＾希望大家珍惜身邊ｏ既友誼ｘ親情ｘ愛情！

被愛係世界上最好ｏ既感覺！