終於考完哂試啦，

鬆左一口氣>v<

考完試之後同朋友去左慈中間日昇食ｌｕｎｃｈ（冇打錯名呀可?）

真係好搞笑，

我地四個人一齊叫左三個肉醬意粉呀∼∼∼∼

根住我同ｍｉｃｈｅｌｌｅ去左買野，

個ｗａｉｔｅｒ見到兩個人竟然叫左三杯野飲同三個意粉呆左一陣，嘩卡卡∼∼∼∼

ｃｈａｌｏｔｔｅ借左梁祝比我睇呀∼∼ｘｄ

天呀，

最初佢話睇到喊我真係唔信，

但我真係估唔到舞台劇真係可以咁出神入化，

一套劇有三個幾鐘，

我喊左起碼個幾鐘。

起初睇到大家要分開，

但大家都各自唔捨得ｏ既埸面真係好慘。

最衰都係個男ｏ既，

搞乜鬼結拜∼∼

話要做兄弟！

仲有只要佢個陣下定決心，

一係拒絕或者一係答應就唔會令萊斯咁痛苦啦。

萊斯喊ｏ既時候，都係我第一次喊。

睇到勞斯係屋企重遇『萊斯』，

ｅｎｄｙ果個後悔ｏ既表情真係睇到心都痛，

舞台ｐｏｓｅ安排得好完美，

蒙住雙眼要佢去感受大家ｏ既感覺！

冇錯係感覺！

正正同歌詞一樣！

到ｅｎｄｙ係醫院因為又見返『萊斯』，

佢個種痛苦後悔o既表情係可以深深咁坎入人心，

苦苦追尋等待左二十年先叫佢忘記一切將心意轉去愛一直等緊佢o既阿祖，

比我我都唔可能！

今世同前世雖然帶住同樣ｏ既記憶，

但係獨有ｏ既感情就好精晰咁只係屬於果個人。

果然係悲慘ｏ既梁祝故事，

加上個首到肉到死ｏ既＜＜勞斯．萊斯＞＞，

果段我簡直喊到停唔到制。

最後花田同撲蝶果一幕真係做得非常非常好，

＜＜化碟＞＞＜＜勞斯．萊斯＞＞兩首概括左全套劇ｏ既主旨，

聽＜＜勞斯．萊斯＞＞ｏ既時候會回憶到成個故事，

所以亦好感人。

但＜＜化碟＞＞當然都係更感人，

冇睇呢套劇ｏ既人或者會覺得ｗｙｍａｎ填得幾好，

好聽、有意思，

但係我覺得佢呢首歌ｏ既詞一早已經超越左人間愛情ｏ既境界，

所以，

呢兩首歌係人地聽ｏ既時候先會因為受感染到而感動到落淚。

特別，係睇完劇之後。

ｅｎｄｙ做得好好，

ｈｏｃｃ做得好好，

梁祖堯做得更加好！

天呀，我係佢o既眼中竟然真係睇到個種對勞斯愛慕ｏ既眼神！

而且並冇果種ｇａｙ　ｏ既ｆｅｅｌｉｎｇ，

反而就好似睇到ｈｏｃｃ一樣。

所以，我除為左故事本身歌曲感人而喊之外，

都被佢地o既專業、努力而感動。

真係好後悔冇去親身感受呢套出色ｏ既舞台劇，

仲有好後悔冇去睇ｅｎｄｙ真人Ｔ＿Ｔ

帥呆了∼∼∼（笑）