4.23-24
係5D既梅窩之旅.
雖然好快就完左,
但係有好多回憶.
而家好想再經歷一次.

出發前一晚,
我2點訓.
但係5點就醒左,
因為好期待...

我地GROUP埋一齊係太子等,
然後中環,係天橋,最後係碼頭等齊人.
搭左1個鐘既船,
搭船果陣影左好多相=]

到左梅窩,落緊雨.
大家決定分頭行事,
我同條魚因為食左野,
所以就同左暉同豆一齊,
我地租左單車,
然後就踩去梅窩既每一個角落
我地仲好叻咁自己搵到我地將要住既「尋夢園」

到左12點,我地去番我地解散既百佳前面,
之後去左食野,
話說之前踩單車踩左屎都唔知,
係食飯果陣係咁覺得自己好DIRTY..

食完就一齊番左我地既「家」--「尋夢園」.
2房1廳.
好簡陋,但係冇辦法啦...
我呢,就第一時間去左沖腳.
之後我地就開始玩自己D野,
我就打牌啦緊係...

HEA完一陣間,我地就踩單車去左沙灘
然後玩數字球同馬騮搶球.
真係好好好好好玩!!
玩完之後沖左沖腳,起程番「家」.
玩左好多野.
TWIST同麻雀=]
之後打邊爐.
打完同C long一齊去左市政大樓沖涼.
仲爽過係屋企.
好乾淨.   同埋唔敢係「家」沖.
今次同明同C long行過去.
原來行路就ok近=]
沖完接左betty同bridget
然後又番去hea
今次玩大富翁
我超勁=]
同豆,培,明,bridget玩.
之後玩玩下佢地又唔玩.
又見其他人個個都有野玩.
我就自己一個走左出去沙灘
好靚呀,  但係驚驚地.   因為已經一點啦.
我番到去見佢地仲玩緊,
之後ken同我諗住整「營多」
但係又冇餐具喎.
所以呢,,   我地夜遊梅窩,
ken載住我出去.
我地傾左好多野=]
真係好想不斷傾.
我地出左去個幾鐘掛,,,
見到ryan,bobby,若然
但係佢地番左去,我地都仲未捨得番,
因為好難可以有呢個機會夜遊同埋咁樣傾計,
我中意同ken傾計,好似大哥哥咁.
載住我載左好耐,
但係我覺得時間過得好快,

番到去,見到好多人都訓左.
但係我地就繼續hea
煮左「營多」之後上天台食,
好凍但係個心好溫暖
因為有佢地陪住我=]

食完之後個個都好攰.
我地就訓晒,
果陣係4點幾.
之後我隱隱約約知道佢地去睇日出,
我冇去到,訓教.
7點就醒晒
之後去左食早餐.
食完番左去攞左d水彈去左沙灘玩,
玩左陣間就要番去執野啦=[
然後還左單車.
搵左間茶餐廳,食左野就搭船走左.

一個鐘就番左中環,影左相.
我地都逐小解散.
番到屋企就訓左啦...

真係好想係挴窩住多一晚.
同佢地玩多一陣,
好想同ken再夜遊
好想同C long再一齊去沖涼.
好想住多次「尋夢園」
好想同佢地一齊.
我會記住呢個回憶.
真係好開心,