今日係我細家姐(kaman家姐)出嫁既大日子呀~所以我好早就去到家姐既屋企幫手~話就話幫手~但係唔幫仲好過幫啦~所以我即係坐係一二邊~
佢地梳好過妝之後~冇幾耐影相既人黎到~影新娘同伴娘同佢地姐妹(其中一個好似kaman架~)~好快~新郎哥(david哥哥)同佢d兄弟上到黎~佢地上黎梗係預左比d姐妹玩架啦~雖然我睇唔到佢地玩咩~但好似有食椒(係咩味道都有~包括甜酸苦辣)~之後仲要係冰水入面用腳拑4隻九萬既麻雀~最後梗係要讀愛的宣言啦~d人真係好諗頭啦~諗到e d game~(我驚我學校果班家姐既姐夫慘呀~)
之後佢地就入左黎接新娘~經過一切的酙茶後~佢地就去男家到酙茶啦~但當佢地諗住回門~天真係「好人」姐~突然落大雨~所以佢地等天落小d先番~之後就過天馬苑食飯~食飯就冇咩好提la~
之後佢地好似去伊甸園到影相~咁我就番屋企rest一陣~night再黎過玩~我地5點幾都到伊甸園啦~咁梗係同新郎新娘影相啦~
等d賓客黎得七七八八~新郎新娘同佢地影埋相~之後就切蛋糕啦~呀~唔記得提番~其實伊甸園果度都有d野食架~都幾好味啦~
8點鐘~新郎新娘就進行簽紙儀式啦~簽紙個台真係好靚呀~仲有果d筆係有毛係尾架~好想要呀><~!!!!簽完紙就差唔多等開席啦~
開席前~有花仔花女出黎交個mike比果班既司儀~呀~又唔記得介紹花仔花女tim~花仔係david哥哥果邊既唔知乜水既仔~花女就係我既外甥啦~佢叫yoyo~好曳架~成日蝦我~哼~都係講番花仔花女既表現啦~勁搞笑呀~佢地都係對住着紙黎讀~仲要着紙掩着自己個口~同埋又唔夠大聲喎~希望佢地下次再做花仔花女時~會有好d既表現啦~
講下2個司儀啦~1男1女1肥1瘦~男既係肥~但係佢好搞笑呀~女既就普普通通啦~冇咩特別好講~
個婚宴係點~我唔想講啦~要講有排講呀~總括黎講~個婚宴好成功啦~我食得好happy~
P.S. David哥哥~你要對細家姐最好呀~~而細家姐~你又唔好蝦David哥哥喎~~你地是但一方唔好~我都唔客氣架~wakaka.....
|
