琴日真希同呀媽出去行街，

　之後覺得條頸好痛．．．

　摸下摸下就發生條頸有一個地方腫起左，

　同左我呀媽講之後，

　呀媽佢就話我

　『死啦∼真希你淋巴塞左呀！』

　之後佢又話要食藥又話要打針咁．．．

　就咁聽一聽真希都嚇親呀．．．

　去到今日，

　真希上網查過淋巴痛姐係咩，

　有ｄ人就話因為喉嚨發炎所以先會痛，

　只要醫返好個喉嚨，

　淋巴就會消腫，

　睇到ｌｅｅ到真希都安心ｄ，

　但係重睇埋落去．．．

　真希又要再驚過．．．

　有ｄ人話．．．

　淋巴痛可以係生癌．．．

　嘩∼大佬呀．．．

　唔好咁嚇真希啦．．．

　唉．．．

　不過咁估下估下估到聽朝都唔知架啦，

　都係去睇左醫生先啦∼

　哈囉∼

　真希又返唻啦∼！！

　今日發生左一件事呀∼

　今日真希同ｄ朋友正準備出去食午餐既時候，

　後面有個同班既男同學就話

　『希希』

　但係真希當時係完全唔知佢係叫緊我架喎．．．

　之後佢再叫多兩三聲之後，

　真希先問

　『你係唔係叫緊我呀？』

　之後佢話係喎，

　跟住就話，

　『希希，你可唔可以同我一齊去食飯呀？』

　之後真希就話

　『我係係學校度食，我只係出去買姐。』

　果時真希真係呆左囉．．．

　我同佢唔熟架喎，

　佢竟然懶熟咁叫真希做希希．．．

　超爆無奈．．．

　今日真希同ｄ朋友去唱ｋ呀，

　雖然得４個人，

　都玩得幾開心∼∼

　不過去到比錢果一瞬間呢，

　難題就唻啦＝３＝”

　我地４個人加埋要比＄２０６，

　ｃａｎｄｙ比左＄１００

　英俊比左＄１００

　真希自己就比左＄６

　去到分＄＄就唔知點啦－３－”

　之後我打電話比我爸爸問佢啦∼

　真係奇怪，

　佢講左一大段野，

　之後就叫真希每人比＄４８喎∼

　下？！咁真希咪比多左好多？！

　真希問左兩三次都唔明，

　之後就放棄左問爸爸，

　我就打電話比數學好叻既同學『巴』

　點知佢只係講左一句就完啦”

　「我以架冇紙冇筆計唔到呀，我返到屋企之後先答你啦！」

　之後真希就覺得麻煩啦－３－”

　咁咪比左４５個半比ｃａｎｄｙ同英俊叫佢地分左佢囉－ｘ－”

　嗯．．．我諗真希咁樣比都岩掛．．．

　不過唔岩都冇所謂啦∼

　唔比都比左啦∼哈哈哈

　今日真希要返學校補英文呀，

　本來諗住會好難過既∼

　但係又意外地又唔係好難過喎∼

　果個新唻既呀ｓｉｒ都幾好呀∼

　又唔會木口木面，

　上堂（只係指今日）又唔會太悶，

　不過遲ｄ開學就唔知啦∼

　大家知啦，

　ｄ老師係真正要追課程既時候人格就會１８０度轉變架啦馬∼

　最少真希間學校ｄ老師係咁囉∼！

　重有呀∼今日真希發生左一件事呀∼

　雖然唔係咩大件事∼

　就係．．．我人生第一次比老師安排左個位係頭一個位呀∼

　真希真係咁大個女第一次呀∼

　雖然媽媽成日話我矮．．．

　但係真希都有接近１７０ｃｍ高架∼

　到ｌｅｅ個高度既人坐頭位喎∼

　對真希唻講已經係奇蹟啦，

　不過大家又唔好誤會以為真希果班ｄ同學好高喎∼

　講真呀，

　又唔係真係好高既．．．

　真希乍眼睇都冇咩『高』人，

　所以真希終於有三年唔洗自卑啦∼

　因為真希ｄ家人同之前既同學都好高架∼

　靜係凌希哥哥都有１８２ｃｍ啦．．．

　足足高真希１２ｃｍ呀∼！

　所以真希都幾開心∼嘻嘻＾＾

　唉．．．暑假都就唻完啦

　但係真希都做未做完Ｄ功課呀＞口＜””

　真希好失敗呀∼

　不過真希就係唔鍾意做功課同讀書呀馬＝３＝”

　但係真希既哥哥『凌希』真係好囉嗦架∼

　成日都只識叫真希『讀書、溫書、做功課』，

　雖然真希心知哥哥係為真希好．．．

　但係我真係可以重新讀返書咩？

　真希已經冇讀書成５，６年咁耐架啦喎．．．

　連真希自己都對自己冇信心呀．．．

　如果真希可以同妹妹『未希』一樣咁就好．．．

　不但聰明而且重好靚ＴＩＭ，

　同真希完全係相反＝ｘ＝”

　雖然佢地成日都話真希如果努力讀書既話真希都可以有好成績，

　但係要追返ｄ知識真係難上加難呀．．．

　不過唻緊ｌｅｅ年真希都讀中四啦∼

　係ｌｅｅ一班．．．

　都冇其他朋友既，

　咁如果係好果方面諗既話都有既∼

　就係可以專心讀書啦∼